കൊയിലാണ്ടി: രാജ്യത്തെ തെരഞ്ഞെടുപ്പുകളിലെ വോട്ടേഴ്‌സ് ലിസ്റ്റ് ശുദ്ധീകരണത്തിന് നടപ്പാക്കിയ എസ്‌ഐആറില്‍ വിശ്വാസമില്ലാത്ത കൊയിലാണ്ടി എംഎല്‍എ 
രാജിവെക്കണമെന്ന് ആവശ്യപ്പെട്ട് ബിജെപി മണ്ഡലം കമ്മിറ്റി കൊയിലാണ്ടിയില്‍ പ്രതിഷേധ പ്രകടനം സംഘടിപ്പിച്ചു. തുടര്‍ന്ന് നടന്ന പൊതുയോഗം ജില്ല ജന.സെക്രട്ടറി എസ്.ആര്‍. ജയ്കിഷ് ഉദ്ഘാടനം ചെയ്തു. മണ്ഡലം പ്രസിഡന്റ് കെ.കെ.വൈശാഖ് അധ്യക്ഷത വഹിച്ചു. ജില്ല വൈസ് പ്രസിഡന്റ് അഡ്വ വി. സത്യന്‍, മണ്ഡലം ജന സെക്രട്ടറിമാരായ ജിതേഷ് കാപ്പാട്, അതുല്‍ പെരുവട്ടൂര്‍ എന്നിവര്‍ സംസാരിച്ചു. ദീപ കുനിയില്‍, ഒ. മാധവന്‍, രവി വല്ലത്ത്, കെ.പി.എല്‍ മനോജ്, പ്രഗീഷ് ലാല്‍, വിനോദ് കാപ്പാട്, പ്രിയ ഒരുവമ്മല്‍, ചന്ദ്രിക, രഞ്ജിത്ത് പൊയില്‍ക്കാവ്, അഭിജിത്ത് കൊല്ലം, ഷിജു വെങ്ങളം എന്നിവര്‍ നേതൃത്വം നല്‍കി.
