വടകര: പ്രമുഖ ഗാന്ധിയനും വടകരയിലെ സീനിയര് അഭിഭാഷകനും കോണ്ഗ്രസ് നേതാവുമായിരുന്ന എം.കെ.പ്രഭാകരന്റെ പതിനഞ്ചാമത് അനുസ്മരണവാര്ഷികം വിവിധ
പരിപാടികളോടെ ആചരിച്ചു. കെപിസിസി വര്ക്കിംഗ് പ്രസിഡന്റും വടകര പാര്ലിമെന്റ് മെമ്പറുമായ ഷാഫി പറമ്പില് അനുസ്മരണ സമ്മേളനം ഉദ്ഘാടനം ചെയ്തു. കോണ്ഗ്രസ് നേതാവിലുപരി വടകരയിലെ സാമൂഹിക-സാംസ്കാരിക കായിക രംഗത്ത് നടത്തിയ ഇടപെടലുകള് ശ്രദ്ധേയവും മാതൃകയാക്കേണ്ടതുമാണെന്ന് ഷാഫി പറമ്പില് പറഞ്ഞു. അനുസ്മരണ സമിതി ചെയര്മാന് വി.കെ.പ്രേമന് അധ്യക്ഷത വഹിച്ചു. അഡ്വ. ഐ.മൂസ, കോട്ടയില് രാധാകൃഷ്ണന്, പി.ഹരീന്ദ്രനാഥ്, അഡ്വ. ഇ.നാരായണന് നായര്, പുറന്തോടത്ത് സുകുമാരന്, സതീശന് കുരിയാടി, കെ.പി.കരുണന്, പി.എം.വിനോദന്, പി.എസ്.രഞ്ജിത് കുമാര്, കാവില് രാധാകൃഷ്ണന്, ബവിത് മലോല്, സി.നിജിന്, രഞ്ജിത് കണ്ണോത്ത്, ടി.പി.ശ്രീലേഷ് തുടങ്ങിയവര് പ്രസംഗിച്ചു.
- Latest
- Trending
