കക്കട്ടില്‍: സംസ്ഥാനപാതയില്‍ കക്കട്ടില്‍ ബസ് ഇടിച്ച് ബൈക്ക് യാത്രക്കാരന്‍ മരിച്ചു. നരിപ്പറ്റ ഇല്ലത്ത് മീത്തല്‍ രാജേഷാണ് (45) 
മരിച്ചത്. ഇന്ന് വൈകുന്നേരം അഞ്ചു മണിയോടെയാണ് സംഭവം. കല്ലാച്ചി ഭാഗത്തുനിന്ന് കുറ്റ്യാടി ഭാഗത്തേക്ക് പോകുകയായിരുന്ന വിവാഹ പാര്‍ട്ടി സഞ്ചരിച്ച ടൂറിസ്റ്റ് ബസ് ഇതേ ദിശയില്‍ സഞ്ചരിക്കുകയായിരുന്ന ബൈക്ക് ഇടിച്ചു വീഴ്ത്തുകയായിരുന്നു. റോഡിലേക്ക് വീണ ബൈക്ക് യാത്രികന്റെ തലയിലൂടെ പിന്‍വശത്തെ ടയറുകള്‍ കയറിയിറങ്ങി. യുവാവിനെ നാട്ടുകാരും 
പോലീസും ചേര്‍ന്ന് കുറ്റ്യാടി ആശുപത്രി എത്തിച്ചെങ്കിലും മരണം സംഭവിച്ചിരുന്നു. മൃതദേഹം കുറ്റ്യാടി ആശുപത്രി മോര്‍ച്ചറിയില്‍. അച്ഛന്‍: പരേതനായ കക്കാട്ട് മീത്തല്‍ കണ്ണന്‍. അമ്മ: രാധ. ഭാര്യ: ലിനിഷ. മക്കള്‍: അലയ് കാര്‍ത്തിക്, അഹല്‍ കാര്‍ത്തിക്. സഹോദരങ്ങള്‍: പുഷ്പ, രാഗലത.
