വടകര: മുനിസിപ്പാലിറ്റിയിലെ തകര്ന്ന റോഡുകള് ഉടന് ഗതാഗതയോഗ്യമാക്കണമെന്നും
അല്ലാത്തപക്ഷം ശക്തമായ പ്രക്ഷോഭത്തിലേക്ക് നീങ്ങുമെന്നും എസ്ടിയു ഓട്ടോ സെക്ഷന്റെ 
മുന്നറിയിപ്പ്.
റെയില്വേ സ്റ്റേഷന്-കീര്ത്തി ടാക്കീസ് റോഡ്, മാര്ക്കറ്റ് റോഡ്-ചോളം വയല്, ജനതാ റോഡ്, സഹകരണ ആശുപത്രി-കണ്ണംകുഴി റോഡ്, നാരായണ നഗരം-തച്ചോളി മാണിക്കോത്ത് റോഡ്,
താഴെയങ്ങാടി മുന് മുനിസിപ്പാലല് ഓഫീസ്-പാക്കയില് റോഡ്, മനാര് മുക്ക-തണല് റോഡ്,
സി എം സ്റ്റോപ്പ്-ബേബി മെമ്മോറിയല് ഹോസ്പിറ്റല് റോഡ് തുടങ്ങി നഗരത്തിലെ പ്രധാന പാതകളെല്ലാം പൂര്ണമായും തകര്ന്ന് സഞ്ചാരയോഗ്യമല്ലാത്ത അവസ്ഥയിലാണ്. വമ്പന് 
കുഴികള് കാരണം ഓട്ടോറിക്ഷകള്ക്ക് തുടര്ച്ചയായി കേടുപാടുകള് സംഭവിക്കുകയും തുച്ഛമായ ദിവസവരുമാനത്തെ ആശ്രയിക്കുന്ന തൊഴിലാളികള്ക്ക് കനത്ത സാമ്പത്തിക നഷ്ടമുണ്ടാകുകയും ചെയ്യുന്നു.
മുനിസിപ്പാലിലെ പല റോഡുകളും അഞ്ചു വര്ഷമായി പൊട്ടിപ്പൊളിഞ്ഞുകിടന്നിട്ട്. ഇത് കണ്ടില്ലെന്ന് നടിക്കുന്നത് തുടര്ന്നാല് നഗരസഭ ഓഫീസിലേക്ക് ബഹുജന മാര്ച്ച് നടത്തും. ആവശ്യമായ ഘട്ടത്തില് വടകര ടൗണിലെ ഓട്ടോ സര്വീസ് പൂര്ണമായി നിര്ത്തിവെച്ചുള്ള 
ശക്തമായ സമരപരിപാടികളും സംഘടിപ്പിക്കുമെന്നു നേതാക്കള് മുന്നറിയിപ്പ് നല്കി.
നിവേദനം നല്കി
വടകര: നഗരസഭ പരിധിയിലെ തകര്ന്ന റോഡുകള് ഒക്ടോബര് 15നകം അറ്റകുറ്റപ്പണി നടത്തി ഗതാഗതയോഗ്യമാക്കണമെന്ന് ആവശ്യപ്പെട്ട് എസ്ടിയു ഓട്ടോ സെക്ഷന് ഭാരവാഹികള് നഗരസഭ ചെയര്മാന് പി.കെ.ശശിക്ക് നിവേദനം സമര്പ്പിച്ചു.
പ്രസിഡന്റ് ഷംസീര് പി.വി.സി, സെക്രട്ടറി നിസാമുദ്ദീന് എന്.വി, ഖജാന്ജി ആസിഫ് വി. എന്നിവരുടെ നേതൃത്വത്തിലാണ് നിവേദനം നല്കിയത്. മറ്റു ഭാരവാഹികളായ ഷമീര് പാലക്കല്, ഷെരീഫ് യു, ഉബൈസ് വി.എം, മഖ്ബൂല്, മന്സൂര്, അബ്ദുല്ല, സിദ്ദീഖ് എന്നിവര് സംബന്ധിച്ചു.
