ഏറാമല: സഹകരണ മേഖലയിലെ പ്രവര്‍ത്തന മികവിനുള്ള അംഗീകാരമായി ഏറാമല ബേങ്ക് ദേശീയ അവാര്‍ഡിന് അര്‍ഹമായി. മുംബൈ ആസ്ഥാനമായി പ്രവര്‍ത്തിക്കുന്ന ബേങ്കിംഗ് ഫ്രോണ്ടിയേര്‍സ് നല്‍കുന്ന അവാര്‍ഡാണ് ബേങ്കിന് ലഭിച്ചത്. ലക്‌നോവിലെ ഹോളിഡെ ഇന്‍ എയര്‍പോര്‍ട്ട് ഹോട്ടലില്‍ വെച്ച് നടന്ന അവാര്‍ഡ്ദാന ചടങ്ങില്‍ ബേങ്ക്
ചെയര്‍മാന്‍ മനയത്ത് ചന്ദ്രന്‍, വൈസ് ചെയര്‍മാന്‍ പി.കെ കുഞ്ഞിക്കണ്ണന്‍ മാസ്റ്റര്‍, ജനറല്‍ മാനേജര്‍ ടി.കെ വിനോദന്‍ എന്നിവര്‍ ചേര്‍ന്ന് നാഫ്കബ് വൈസ് പ്രസിഡണ്ട് മില്ലിറ്റ് കാലെയില്‍ നിന്ന് ഏറ്റുവാങ്ങി. ചടങ്ങില്‍ ആര്‍.ബി.ഐ ഡയരക്ടര്‍ സതീഷ് മറാഠെ, നഫ്കബ് പ്രസിഡണ്ട്
ലക്ഷ്മിദാസ്, പ്രമോദ് കര്‍ണ്ണാട് മഹാരാഷ്ട്ര, സതീഷ് അഗര്‍വാള്‍ രാജസ്ഥാന്‍, രമനുണ്ണി, ബേങ്കിംഗ് ഫ്രോണ്ടിയേര്‍സ് പ്രതിനിധികളായ ബാബു നായര്‍, മനോജ് അഗര്‍വാള്‍ എന്നിവര്‍ സന്നിഹിതരായിരുന്നു.
