കാസര്‍കോട് മതിലിടിഞ്ഞ് സഹോദരങ്ങളായ രണ്ട് കുട്ടികൾ മരിച്ചു

കാസർകോട്: വീടിന്റെ മതിലിടി‌ഞ്ഞ് വീണ് സഹോദരങ്ങളായ രണ്ട് കുട്ടികൾ മരിച്ചു. കാസർകോട് ആദൂർ സഞ്ചക്കടവിലാണ് ദാരുണ സംഭവം നടന്നത്. അബൂബക്കറിന്റെ കുട്ടികളായ മുൻസീർ (10)​, മുസമ്മിൻ (14)​ എന്നിവരാണ് മരിച്ചത്. അയൽവാസിയായ മറ്റൊരു കുട്ടിക്ക് പരിക്കേറ്റിട്ടുണ്ട്. അവധിക്കാലത്ത് കുട്ടികൾ വീടിന്റെ അടുത്ത് ഒരു ചെറിയ കട നടത്തിയിരുന്നു. ഈ കടയ്ക്ക് അടുത്തുള്ള മതിലാണ് വെെകിട്ടോടെ ഇടിഞ്ഞുവീണത്. കു​ട്ടി​ക​ൾ ക​ളി​ക്കു​ന്ന​തി​നി​ടെ​യാ​യി​രു​ന്നു അ​പ​ക​ടം. മഴ ശക്തമായതിന് പിന്നാലെ മതിൽ ഇടിഞ്ഞുവീഴുകയായിരുന്നുവെന്നാണ് വിവരം. ചെ​ങ്ക​ൽ മ​തി​ലാ​ണ് കു​ട്ടി​ക​ളു​ടെ ദേ​ഹ​ത്തേ​ക്ക് വീ​ണ​ത്. ഒ​രു കു​ട്ടി ത​ൽ​ക്ഷ​ണ​വും മ​റ്റൊ​രു കു​ട്ടി ആ​ശു​പ​ത്രി​യി​ൽ എ​ത്തി​ച്ച​പ്പോ​ഴു​മാ​ണ് മ​രി​ച്ച​ത്. രാ​വി​ലെ മു​ത​ൽ കാ​സ​ർ​കോട് ക​ന​ത്ത മ​ഴ​യാ​ണ്.