തിരുവനന്തപുരം: ക്ഷേത്രത്തില് മോഷണത്തിനെത്തിയ ആള് കമ്മിറ്റി ഓഫീസിലിരുന്ന് ഉറങ്ങിപ്പോയതിനെത്തുടര്ന്ന് പോലീസ് പിടിയിലായി. കുടപ്പനമൂട് കോവില്ലൂര് കഴുകാല്വട്ടം 
ഭഗവതിക്ഷേത്രത്തിലാണ് സംഭവം. ദിണ്ടിക്കല് സ്വദേശി സെന്തിലാണ് (45) അറസ്റ്റിലായത്.
ചുറ്റമ്പലത്തിലെ വാതില്പൂട്ട് പൊട്ടിക്കാനായിരുന്നു ആദ്യ ശ്രമം. എന്നാല് ശ്രമം വിജയിച്ചില്ല. പിന്നീട് മുന്വശത്തെ ക്ഷേത്ര കമ്മിറ്റി ഓഫീസിലെ വാതിലിന്റെ പൂട്ട് തകര്ത്ത് അകത്ത് കയറിയ സെന്തില് അവിടെയിരുന്ന് ഉറങ്ങുകയായിരുന്നു.
രാവിലെ പൂജാരിയെത്തിയപ്പോള് കമ്മിറ്റി ഓഫീസ് തുറന്നു കിടക്കുന്നതാണ് കണ്ടത്. തുടര്ന്ന് 
നോക്കിയപ്പോഴാണ് അകത്തിരുന്ന് സുഖമായി ഉറങ്ങുന്ന മോഷ്ടാവിനെ കണ്ടത്. വിവരമറിഞ്ഞ് കമ്മിറ്റിക്കാരെത്തി വെള്ളറട പോലീസിനെ അറിയിച്ചു. ക്ഷേത്രത്തില് നിന്ന് ഒന്നും നഷ്ടപ്പെട്ടിട്ടില്ലെന്ന് ഭാരവാഹികള് പറഞ്ഞു. ഇയാളുടെപേരില് സംസ്ഥാനത്ത് കാണിക്കവഞ്ചി കവര്ച്ചയ്ക്കുള്പ്പെടെ നിരവധി മോഷണക്കേസുകളുണ്ടെന്ന് പോലീസ് പറഞ്ഞു.
