കോഴിക്കോട്: നീറ്റ്, യുജിസി നെറ്റ് പരീക്ഷകളിലെ ക്രമക്കേട് പുറത്തുവന്ന സാഹചര്യത്തില് സമഗ്രമായ അന്വേഷണം വേണമെന്ന് സോഷ്യലിസ്റ്റ് വിദ്യാര്ഥി ജനത കോഴിക്കോട് ജില്ലാ കമ്മിറ്റി ആവശ്യപ്പെട്ടു. നീറ്റ് പരീക്ഷ ഫലവുമായി ബന്ധപ്പെട്ട പ്രതിസന്ധികള് നിലനില്ക്കുന്ന സാഹചര്യത്തില് യുജിസി നെറ്റ് പരീക്ഷയും റദ്ദാക്കിയിരിക്കുകയാണ്. വിദ്യാര്ഥികളെ അടിക്കടി ആശങ്കയിലാക്കി അവരുടെ ഭാവി ഇല്ലാതാക്കുന്ന പ്രവര്ത്തനങ്ങള്ക്കെതിരെ നടപടി സ്വീകരിക്കണമെന്നു കമ്മിറ്റി ആവശ്യപ്പെട്ടു.