കോഴിക്കോട്: ബേപ്പൂരില് ഒരാള്ക്ക് മൂന്ന് വോട്ടര് ഐഡി കാര്ഡുകൾ കണ്ടെത്തിയതിനു പിന്നാലെ നടപടിയെടുത്ത് തെരഞ്ഞെടുപ്പ് കമ്മീഷൻ. രണ്ട് ഇലക്ടറൽ രജിസ്ട്രേഷൻ ഓഫീസർമാർ, ഒരു ബൂത്ത് ലെവൽ ഓഫീസർ എന്നിവരെ സസ്പെൻഡ് ചെയ്യാൻ സംസ്ഥാന മുഖ്യ തെരഞ്ഞെടുപ്പ് ഓഫീസർ സഞ്ജയ് കൗൾ കോഴിക്കോട് ജില്ലാ കളക്ടർക്ക് നിർദ്ദേശം നൽകി. ലോക്സഭാ തെരഞ്ഞെടുപ്പ് പ്രമാണിച്ച് സംസ്ഥാനത്ത് രേഖകളുടെ പരിശോധന, ബൂത്തുകളിലെ ഒരുക്കങ്ങള് തുടങ്ങിയവ വിലയിരുത്തിവരികയാണ്. ഇതിനിടെയാണ് ഒരാൾക്ക് മൂന്ന് വോട്ടർ ഐഡി ഉള്ളതായി കണ്ടെത്തിയത്. നിലവില് വോട്ടര് ഐഡി കാര്ഡുള്ള ബേപ്പൂര് സ്വദേശിയായ ഷാഹിര് ഷാഹുല് ഹമീദ് എന്നയാളാണ് രണ്ട് തവണ കൂടി അപേക്ഷ സമര്പ്പിക്കുകയും (2023 സെപ്റ്റംബര് 23 നും ഡിസംബര് ഒന്നിനും) വോട്ടര് ഐഡി കാര്ഡ് കൈപ്പറ്റുകയും ചെയ്തത്. ആദ്യതവണ ആധാറും രണ്ടാം തവണ പാസ്പോര്ട്ടും ആണ് അപേക്ഷയ്ക്കൊപ്പമുള്ള തിരിച്ചറിയല് രേഖയായി ഇയാള് സമര്പ്പിച്ചത്. വോട്ടര് പട്ടികയില് പേരില്ലെന്ന് അപേക്ഷയിലെ സത്യപ്രസ്താവനയിലും രേഖപ്പെടുത്തിയിരുന്നു. ഇത് പരിശോധിച്ച് അംഗീകരിക്കാവുന്നതാണെന്ന് ശുപാര്ശ ചെയ്ത ബൂത്ത് ലെവല് ഓഫീസറയും ഇലക്ടറല് രജിസ്റ്റര് ഓഫീസറെയുമാണ് ജനപ്രാതിനിധ്യ നിയമം 1950ലെ വ്യവസ്ഥകള് പ്രകാരം സസ്പെന്ഡ് ചെയ്തത്.
ജന പ്രാതിനിധ്യ നിയമത്തിലെ സെക്ഷന് 32 പ്രകാരം ഇവര്ക്കെതിരെ കേസെടുക്കാനും നടപടി സ്വീകരിച്ചിട്ടുണ്ട്. മൂന്നുമാസം മുതല് 2 വര്ഷം വരെ തടവ് ശിക്ഷ ലഭിക്കാവുന്ന കുറ്റമാണിത്. വോട്ടര് ഐഡി കാര്ഡ് കൈവശപ്പെടുത്തിയ ആള്ക്കെതിരെ ജന പ്രാതിനിധ്യ നിയമത്തിലെ വ്യവസ്ഥകള് പ്രകാരം കേസെടുക്കും. ഒരു വര്ഷം വരെ തടവു ശിക്ഷ ലഭിക്കാവുന്ന കുറ്റമാണിത്.
കരട് വോട്ടര് പട്ടിക തയ്യാറാക്കിയ ശേഷം സമാനമായ രീതിയില് തെറ്റായ അപേക്ഷ സമര്പ്പിച്ച് വോട്ടര്പട്ടികയില് പേര് ചേര്ത്തിട്ടുണ്ടോ എന്ന് കണ്ടെത്താന് ഇആര്ഒമാരും ബിഎല്ഒമാരും മുഖാന്തരം കര്ശന പരിശോധന നടത്താന് എല്ലാ ജില്ലാ കളക്ടര്മാര്ക്കും നിര്ദ്ദേശം നല്കിയിട്ടുണ്ടെന്ന് ചീഫ് ഇലക്ടറല് ഓഫീസര് സഞ്ജയ് കൗള് പറഞ്ഞു.
ജന പ്രാതിനിധ്യ നിയമത്തിലെ സെക്ഷന് 32 പ്രകാരം ഇവര്ക്കെതിരെ കേസെടുക്കാനും നടപടി സ്വീകരിച്ചിട്ടുണ്ട്. മൂന്നുമാസം മുതല് 2 വര്ഷം വരെ തടവ് ശിക്ഷ ലഭിക്കാവുന്ന കുറ്റമാണിത്. വോട്ടര് ഐഡി കാര്ഡ് കൈവശപ്പെടുത്തിയ ആള്ക്കെതിരെ ജന പ്രാതിനിധ്യ നിയമത്തിലെ വ്യവസ്ഥകള് പ്രകാരം കേസെടുക്കും. ഒരു വര്ഷം വരെ തടവു ശിക്ഷ ലഭിക്കാവുന്ന കുറ്റമാണിത്.
കരട് വോട്ടര് പട്ടിക തയ്യാറാക്കിയ ശേഷം സമാനമായ രീതിയില് തെറ്റായ അപേക്ഷ സമര്പ്പിച്ച് വോട്ടര്പട്ടികയില് പേര് ചേര്ത്തിട്ടുണ്ടോ എന്ന് കണ്ടെത്താന് ഇആര്ഒമാരും ബിഎല്ഒമാരും മുഖാന്തരം കര്ശന പരിശോധന നടത്താന് എല്ലാ ജില്ലാ കളക്ടര്മാര്ക്കും നിര്ദ്ദേശം നല്കിയിട്ടുണ്ടെന്ന് ചീഫ് ഇലക്ടറല് ഓഫീസര് സഞ്ജയ് കൗള് പറഞ്ഞു.