നാദാപുരം: കല്ലാച്ചി ഗവ. ഹയര് സെക്കന്ഡറി സ്കൂള് എസ്എസ്എല്സി 1992 ബാച്ച് നാലാം വാര്ഷികം വിവിധ പരിപാടികളോടെ ആഘോഷിച്ചു. സ്കൂള് ഓഡിറ്റോറിയത്തില്
കലാകാരന് രദീപ് പാലേരി ഉദ്ഘാടനം ചെയ്തു. മുഹമ്മദലി ഈയ്യങ്കോട് അധ്യക്ഷത വഹിച്ചു. കഴിഞ്ഞ വര്ഷങ്ങളില് വിട പറഞ്ഞ കൂട്ടുകാര്ക്കും അധ്യാപകര്ക്കും അനുശോചനം രേഖപ്പെടുത്തി. പവിത്രന്.കെ.പി അനുശോചന പ്രമേയം അവതരിപ്പിച്ചു. പ്രമോദ് നരിക്കാട്ടേരി, മനോജ് സുമാലയം, പവിത്രന് മന്ദാരം, നിഷാദ്, സജിനി, വി.പിസതീശ് നരിക്കാട്ടേരി, പി.ടി.കെ.രാജീവന് എന്നിവര് സംസാരിച്ചു. വിവിധ കലാകായിക മത്സരങ്ങള് വാര്ഷിക സംഗമത്തിന്റെ മാറ്റു കൂട്ടി. സ്ത്രീപുരുഷ ടീമുകള് അണിനിരന്ന കമ്പവലി, താറാവ് പിടുത്തം തുടങ്ങിയ മത്സരങ്ങള് കൗമാര കലാലയത്തിന്റെ ആരവങ്ങളിലേക്ക് കൊണ്ടുപോയി. സഹപാഠികളുടെ ഗാനമേള, ഒപ്പന, പ്രൊഫഷണല് ഗാനമേള എന്നിവ വാര്ഷിക സംഗമത്തിന്റെ ആവേശം വാനോളം ഉയര്ത്തി. പ്രൊഫഷണല് കലാകാരന്മാരായ സുരേന്ദ്രന് വിഷ്ണുമംഗലം, പ്രദീപ് കുമ്മങ്കോട്, സജീവന് നരിപ്പറ്റ എന്നിവരുടെ പ്രകടനങ്ങള് സഹപാഠികള്ക്ക് ഇരട്ടിമധുരമായി.
