ദുബായ്: പശ്ചിമേഷ്യൻ സംഘർഷം രൂക്ഷമായതിന് പിന്നാലെ ഹോർമുസ് കടലിടുക്കിൽ രണ്ട് യുഎഇ ടാങ്കറുകളിലേക്ക് ഇറാൻ നടത്തിയ ആക്രമണത്തിൽ ഇന്ത്യൻ പൗരൻ കൊല്ലപ്പെട്ടു. 
എട്ടു പേര്ക്ക് പരിക്കേറ്റു. പരിക്കേറ്റവരില് ആറു പേര് ഇന്ത്യക്കാരും രണ്ടുപേര് യുക്രൈന് പൗരന്മാരുമാണ്. ഇവരില് നാല് പേരുടെ നില ഗുരുതരമാണ്. ആക്രമണത്തിന് ഇരകളായ ഇന്ത്യന് പൗരന്മാരെ കുറിച്ച് കൂടുതല് വിവരങ്ങള് ലഭ്യമായിട്ടില്ല.
യുഎഇയുടെ ടാങ്കറിന് നേരെയാണ് മിസൈലാക്രമണമുണ്ടായത്. ഇറാനിൽ യുഎസ് നടത്തിയ ആക്രമണങ്ങളെ തുടർന്ന് നടത്തിയ പ്രത്യാക്രമണമാണ് യുഎഇയുടെ ടാങ്കറിന് നേരെയുണ്ടായത്. ഹോര്മുസ് മുറിച്ച് കടക്കാന് ശ്രമിക്കുന്ന കപ്പലുകള്ക്ക് നേരെ കനത്ത 
ആക്രമണമാണ് നടക്കുന്നത്. തങ്ങള് അടച്ചിട്ട കടലിടുക്ക് മുറിച്ച് കടക്കാന് ശ്രമിച്ച നിരവധി കപ്പലുകള് ആക്രമിച്ചിട്ടുണ്ടെന്ന് ഇറാന് സേന സ്ഥിരീകരിച്ചിട്ടുണ്ട്.
അതേസമയം ഹോർമുസിൽ അമേരിക്ക വീണ്ടും നാവിക ഉപരോധം തുടങ്ങി. ഹോർമുസ് ഇനി അമേരിക്ക കൈകാര്യം ചെയ്യുമെന്ന് പ്രസിഡന്റ് ഡോണൾഡ് ട്രംപ് വ്യക്തമാക്കി.
ഇതിനുപിന്നാലെ മറുപടിയുമായി ഇറാനും രംഗത്തെത്തി. ഹോർമുസ്കൈകാര്യം ചെയ്യാൻ അമേരിക്കയെ അനുവദിക്കില്ലെന്നും ചെങ്കടലിൽ ബാബ് അൽ മന്ദബ് അടയ്ക്കുമെന്നും ഇറാൻ തിരിച്ചടിച്ചു. ഇന്ധന വിപണി തകരുമെന്നും മുന്നറിയിപ്പ് നൽകിയിട്ടുണ്ട്.
