കോഴിക്കോട്: ജില്ലയില് റെഡ് അലര്ട്ട് പ്രഖ്യാപിച്ച സാഹചര്യത്തിലും കനത്ത മഴയെ തുടര്ന്ന് പലയിടങ്ങളിലും വെള്ളക്കെട്ട് രൂപപ്പെട്ടതിനാലും ജില്ലയിലെ വിദ്യാഭ്യാസ 
സ്ഥാപനങ്ങള്ക്ക് നാളെ (ജൂണ് 6 ശനി) ജില്ലാ കളക്ടര് എം.എസ് മാധവിക്കുട്ടി അവധി പ്രഖ്യാപിച്ചു. സ്കൂളുകള്, മദ്രസകള്, ട്യൂഷന് സെന്ററുകള്, പ്രൊഫഷണല് കോളേജുകള് ഉള്പ്പെടെയുള്ളവക്കും അങ്കണവാടികള്ക്കും അവധി ബാധകമായിരിക്കും. മുന്കൂട്ടി നിശ്ചയിച്ച പൊതുപരീക്ഷകള്ക്കും സര്വകലാശാല പരീക്ഷകള്ക്കും മാറ്റമില്ല. കനത്ത മഴ തുടരുന്ന സാഹചര്യത്തില് അതീവ ജാഗ്രത പുലര്ത്തണമെന്നും അനാവശ്യ യാത്രകള് ഒഴിവാക്കണമെന്നും കളക്ടര് അഭ്യര്ഥിച്ചു
