തിരുവനന്തപുരം: വോട്ടെടുപ്പ് പ്രമാണിച്ച് സംസ്ഥാനത്തെ സര്ക്കാര് ഓഫീസുകള്, വിദ്യാഭ്യാസ സ്ഥാപനങ്ങള് എന്നിവ ഉള്പ്പെടെ എല്ലാ സ്ഥാപനങ്ങള്ക്കും സര്ക്കാര് നാളെ പൊതു അവധി പ്രഖ്യാപിച്ചു. വാണിജ്യ സ്ഥാപനങ്ങള്ക്ക് ശമ്പളത്തോടെയുള്ള അവധിയാണ് പ്രഖ്യാപിച്ചിരിക്കുന്നത്. അവധി ദിനത്തില് വേതനം നിഷേധിക്കുകയോ കുറവു വരുത്തുകയോ ചെയ്യാന് പാടില്ലെന്ന കര്ശന നിര്ദേശം നല്കിയിട്ടുണ്ട്. കൊമേഴ്സ്യല് എസ്റ്റാബ്ലിഷ്മെന്റ് ആക്ടിനു പരിധിയില് വരുന്ന സ്വകാര്യ സ്ഥാപനങ്ങള്, സ്വകാര്യ വ്യവസായ കേന്ദ്രങ്ങള് തുടങ്ങിയ ഇടങ്ങളില് അവധി പ്രഖ്യാപിക്കുന്നതിന് ലേബര് കമ്മിഷണര് ആവശ്യമായ ക്രമീകരണങ്ങള് ഏര്പ്പെടുത്തും.