കോഴിക്കോട്: സുരക്ഷിതവും സമാധാനപൂര്വവുമായ വോട്ടെടുപ്പ് ഉറപ്പുവരുത്തുന്നതിന് കോഴിക്കോട് ജില്ലയില് നിരോധനാജ്ഞ പുറപ്പെടുവിച്ചു. ഏപ്രില് 24 ബുധനാഴ്ച വൈകിട്ട് ആറു മണി മുതല് 27ന് രാവിലെ ആറു മണി വരെ ജില്ലയില് സിആര്പിസി 144 പ്രകാരമുള്ള നിരോധനാജ്ഞ പുറപ്പെടുവിച്ചതായി കലക്ടര് അറിയിച്ചു.
ഇതുപ്രകാരം മൂന്നില് കൂടുതല് പേര് കൂടിനില്ക്കുന്നതും പൊതുയോഗങ്ങളോ പ്രകടനങ്ങളോ നടത്തുന്നതും ശിക്ഷാര്ഹമാണ്. നിരോധന ഉത്തരവ് ലംഘിക്കുന്നവര്ക്കെതിരെ കര്ശന നടപടി സ്വീകരിക്കുമെന്നും കലക്ടര് വ്യക്തമാക്കി.
ജില്ലയിലെ 141 പ്രശ്നസാധ്യതാ ബൂത്തുകളിലും (കോഴിക്കോട്- 21, വടകര- 120), മാവോവാദി ഭീണിയുള്ള വടകര മണ്ഡലത്തിലെ 43 ബൂത്തുകളിലും പ്രത്യേക സുരക്ഷ ഒരുക്കുന്നതിനായി സംസ്ഥാന പോലിസ് സേനയ്ക്കു പുറമെ, എട്ട് കമ്പനി സിഎപിഎഫ്, മൈക്രോ ഒബ്സര്മാര് എന്നിവരെ അധികമായി നിയോഗിച്ചിട്ടുണ്ട്.