വടകര: വളയം പോലീസ് സ്റ്റേഷൻ പരിധിയിലെ ആദിവാസി കോളനികളിലെ യുവാക്കൾക്കുവേണ്ടി കോഴിക്കോട് റൂറൽ ജില്ലാ പോലീസ് – വോളീ ഫെസ്റ്റ് 2024 ഏകദിന വോളീബോൾ ടൂർണമെൻ്റ് നടത്തി. കായികവിനോദങ്ങളെ പുണരൂ ലഹരി വസ്തുക്കളിൽ നിന്ന് മുക്തി നേടു എന്ന സന്ദേശവുമായി ഗ്രാമിക യൂത്ത് ക്ലബ് മാടാഞ്ചേരിയുടെ സഹകരണത്തോടെയാണ് ടൂർണമെൻ്റ് സംഘടിപ്പിച്ചത്. ടൂർണമെൻ്റ് കോഴിക്കോട് ജില്ലാ പോലീസ് മേധാവി അർവിന്ദ് സുകുമാർ ഐ പി എസ് ഉദ്ഘാടനം ചെയ്തു. വളയം പോലീസ്
![](https://i0.wp.com/vatakaravarthakal.in/wp-content/uploads/2024/03/concrete-cutting.jpg?resize=394%2C600&ssl=1)
സ്റ്റേഷൻ ഇൻസ്പെക്ടർ അജിത് അധ്യക്ഷത വഹിച്ചു. സുരേഷ്ബാബു എ എസ് ഐ സ്വാഗതം പറഞ്ഞ ചടങ്ങിൽ കോഴിക്കോട് റൂറൽ എ എസ് പി അങ്കിത് സിംഗ് ഐ പി എസ് ആശംസ നേർന്നു. വളയം എസ് ഐ വിനീത് വിജയൻ, ശ്രീകുമാർ എസ് ഐ, ഊരുമൂപ്പത്തി പ്രിൻസി, എ എസ് ഐ മാരായ അജിത്കുമാർ, കൃഷ്ണകുമാർ, ഭാസ്കരൻ, സ്കറിയ തോമസ്, അബ്ദുൾ റഹീം, സിനു (SCPO) എന്നിവരും സന്നിഹിതരായിരുന്നു. വളയം മേഖലയിലെ മാടാഞ്ചേരി, ചിറ്റാരി, വായാട്, പന്നിയേരി, ഉരുട്ടി, കണ്ടിവാതുക്കൽ എന്നീ കോളനികൾക്ക് പുറമേ സമീപ
![](https://i0.wp.com/vatakaravarthakal.in/wp-content/uploads/2023/10/clearvisison-k.jpeg?resize=567%2C519&ssl=1)
പ്രദേശമായ കണ്ണൂർ ജില്ലയിലെ പറക്കാട്, കൊളപ്പ എന്നീ കോളനികളിൽ നിന്നുമായി 8 ടീമുകൾ മത്സരത്തിൽ പങ്കെടുത്തു. ടൂർണമെൻ്റിൽ കൊളപ്പ ടീം ജേതാക്കളായപ്പോൾ ചിറ്റാരി ടീം റണ്ണേഴ്സ് അപ്പ് ട്രോഫി കരസ്ഥമാക്കി. മത്സരങ്ങൾക്ക് ശേഷം ജേതാക്കളും കോഴിക്കോട് റൂറൽ ജില്ലാ പോലീസ് വോളീബോൾ ടീമും തമ്മിൽ സൗഹൃദ മത്സരവും അരങ്ങേറി.