തിരുവനന്തപുരം: സംസ്ഥാനത്ത് 24 മണിക്കൂറിനിടെ 265 പേര്ക്ക് കൂടി കോവിഡ് സ്ഥിരീകരിച്ചെന്ന് ആരോഗ്യമന്ത്രാലയത്തിന്റെ കണക്ക്. കോവിഡ് ബാധിച്ച് ഒരു മരണം റിപ്പോര്ട്ട് ചെയ്തു. നിലവില് 2606 ആണ് ആക്ടീവ് കേസുകള്. രാജ്യത്താകെ 24 മണിക്കൂറിനിടെ 328 കേസുകളാണ് റിപ്പോര്ട്ട് ചെയ്തിട്ടുള്ളത്. 2997 ആണ് രാജ്യത്തെ ആക്ടീവ് കേസുകള്.
കോവിഡ് കേസുകള് ഉയരുന്ന സാഹചര്യത്തില് ജാഗ്രത കര്ശനമാക്കിയിരിക്കുകയാണ് കേന്ദ്ര ആരോഗ്യ മന്ത്രാലയം. സംസ്ഥാനങ്ങളില് മുന്കരുതല് നടപടികള് ഇന്ന് മുതല് ശക്തമാക്കും. കൂടുതല് പരിശോധന നടത്താന് ഇന്നലെ ചേര്ന്ന ഉന്നതതല യോഗത്തില് സംസ്ഥാനങ്ങളോട് കേന്ദ്രമന്ത്രി നിര്ദേശിച്ചിരുന്നു. വരും ദിവസങ്ങളിലെ രോഗവ്യാപനം കൂടി പരിഗണിച്ചാകും കേന്ദ്ര സര്ക്കാരിന്റെ തുടര് നടപടികള് ഉണ്ടാവുക. ഇതുവരെ 21 പേരിൽ ജെഎൻ 1 കോവിഡ് ഉപ വകഭേദം രാജ്യത്ത് കണ്ടെത്തിയിട്ടുണ്ട്. സംസ്ഥാനത്ത് ഗുരുതര സാഹചര്യമില്ലെന്നും മുൻ കരുതൽ മതിയെന്നും ഇതുവരെ ഒരാളിൽ മാത്രമേ ജെഎൻ1 കണ്ടെത്തിയിട്ടുള്ളൂവെന്നും അധികൃതർ പറഞ്ഞു.