തിരുവനന്തപുരം: മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിനെ പുറത്താക്കണമെന്ന് ആവശ്യപ്പെട്ട് കേരള നിയമസഭ പ്രമേയം പാസാക്കി. തെരഞ്ഞെടുപ്പ് കമ്മീഷന്‍റെ വിശ്വാ
സ്യത നഷ്ടപ്പെടുത്തിയെന്നതടക്കമുള്ള ആരോപണങ്ങൾ ഉന്നയിച്ചാണ് പ്രമേയം പാസാക്കിയത്. ഒരു സംസ്ഥാന നിയമസഭ മുഖ്യ തെരഞ്ഞെടുപ്പ് കമ്മീഷണറെ നീക്കണമെന്നാവശ്യപ്പെട്ട് പ്രമേയം പാസാക്കുന്നത് രാജ്യത്ത് ആദ്യമാണെന്നാണ് റിപ്പോർട്ട്.
മുഖ്യമന്ത്രി വി.ഡി. സതീശൻ നിയമസഭയിൽ അവതരിപ്പിച്ച പ്രമേയത്തെ യുഡിഎഫ്, എൽഡിഎഫ് അംഗങ്ങൾ പിന്തുണച്ചു. മൂന്ന് ബിജെപി അംഗങ്ങൾ പ്രമേയത്തെ എതിർത്തു. പ്രത്യേക തീവ്ര വോട്ടർപട്ടിക പരിഷ്കരണമായ എസ്‌ഐആർ നടപടികളിലെ അപാകതകളും പ്രമേയ
ത്തിൽ ചൂണ്ടിക്കാട്ടി. അർഹരായ വോട്ടർമാർ പട്ടികയിൽനിന്ന് പുറത്തായി.
നടപടികൾ സുതാര്യമാക്കുന്നതിൽ തെരഞ്ഞെടുപ്പ് കമ്മീഷൻ പരാജയപ്പെട്ടെന്നും പ്രമേയം കുറ്റപ്പെടുത്തി. കമ്മീഷന്‍റെ നിലവിലെ പ്രവർത്തനം വിശ്വാസ്യത ഇല്ലാതാക്കിയെന്നും പ്രമേയത്തിൽ ആരോപിക്കുന്നു. ഗ്യാനേഷ് കുമാറിനെ പദവിയിൽനിന്ന് നീക്കുന്നതിനൊപ്പം തെരഞ്ഞെടുപ്പ് കമ്മീഷണർമാരെ നിയമിക്കുന്ന രീതിയിൽ മാറ്റം വരുത്തണമെന്നും പ്രമേയം ആവശ്യപ്പെടുന്നു.
