കോഴിക്കോട്: മുതിർന്ന കോൺഗ്രസ് നേതാവും മുൻ കേന്ദ്രമന്ത്രിയും ആറു തവണ വടകര എംപിയുമായ കെ.പി. ഉണ്ണികൃഷ്ണൻ (90) അന്തരിച്ചു. വാർധക്യ സഹജമായ അസുഖത്തെ തുടർന്ന് ചികിത്സയിലിരിക്കെ കോഴിക്കോട്ടെ സ്വകാര്യ ആശുപത്രിയിലായിരുന്നു അന്ത്യം. 
1989 മുതൽ 1990 വരെ വി.പി.സിംഗ് മന്ത്രിസഭയിൽ ടെലി കമ്യൂണിക്കേഷൻ-ഉപരിതല ഗതാഗത വകുപ്പ് മന്ത്രിയായിരുന്നു. 1971ലെ ലോക്സഭ തെരഞ്ഞെടുപ്പിൽ കോൺഗ്രസ് സ്ഥാനാർഥിയായി വടകരയിൽ മത്സരിച്ച് വിജയിച്ചതിന് പിന്നാലെ 1991 വരെ തുടർച്ചയായി ആറു തവണ വടകരയിൽ നിന്ന് ലോക്സഭാംഗമായി തെരഞ്ഞെടുക്കപ്പെട്ടിരുന്നു.
സ്കൂൾ വിദ്യാർഥിയായിരുന്ന കാലത്ത് പ്രജാ സോഷ്യലിസ്റ്റ് പാർട്ടിയിലൂടെയാണ് രാഷ്ട്രീയ ജീ
വിതം ആരംഭിച്ചത്. 1960ൽ ആണ് കെ.പി. ഉണ്ണികൃഷ്ണൻ പിഎസ്പി വിട്ട് കോൺഗ്രസിലേക്കെത്തുന്നത്. തുടർന്ന്1962 മുതൽ എഐസിസി അംഗവുമായിരുന്നു. . പത്രപ്രവര്ത്തകനായി പ്രവര്ത്തിക്കവെ 1971-ലെ ലോക്സഭ തെരഞ്ഞെടുപ്പില് കോണ്ഗ്രസ് സ്ഥാനാര്ഥിയായി വടകരയില് ആദ്യമായി മത്സരിച്ചു ജയിച്ചത്. പിന്നീട് 1977, 1980, 1984, 1989, 1991 എന്നീ വര്ഷങ്ങളില് നടന്ന ലോക്സഭ തെരഞ്ഞെടുപ്പുകളില് വടകരയില് നിന്ന് ലോക്സഭാംഗമായി. 1989-90 കാലഘട്ടത്തില് വി പി സിങ് മന്ത്രിസഭയില് ടെലി 
കമ്മ്യൂണിക്കേഷന്,ഷിപ്പിങ്്, ഉപരിതല ഗതാഗത വകുപ്പിന്റെ ചുമതലയുള്ള കേന്ദ്ര മന്ത്രിയായിട്ടുണ്ട്.
വി കെ കൃഷ്ണമേനോനൊപ്പം പ്രവര്ത്തനരംഗത്തുണ്ടായിരുന്ന കെ പി ഉണ്ണികൃഷ്ണന് ഇന്ദിരാഗാന്ധിയുടെ വിശ്വസ്തരില് ഉള്പ്പെട്ടിരുന്നു. പിന്നീട് ഇന്ദിരാഗാന്ധിയുമായുള്ള അഭിപ്രായ വ്യത്യാസത്തെ തുടര്ന്ന് കോണ്ഗ്രസ്(യു)വിലേക്ക് മാറി, പിന്നീട് 
കോണ്ഗ്രസ്(എസ്)ലും എത്തി. 1995-ല് കോണ്ഗ്രസിലേക്ക് മടങ്ങി.
1936 സെപ്റ്റംബര് 20-ന് തമിഴ്നാട്ടിലെ കോയമ്പത്തൂരില് ഇ കുഞ്ഞിക്കണ്ണന് നായരുടെ മകനായിട്ടാണ് ജനിച്ചത്. ചെന്നൈയിലെ ക്രിസ്ത്യന് കോളജ്, പ്രസിഡന്സി കോളജ്, ഗവണ്മെന്റ് ലോ കോളജ്, മദ്രാസ് എന്നിവിങ്ങളില്നിന്ന് വിദ്യാഭ്യാസം പൂര്ത്തിയാക്കി. അമൃതയാണ് ഭാര്യ. സുദക്ഷിണ, നിരഞ്ജന എന്നിവർ മക്കളാണ്.
