വേളം: കേന്ദ്ര-കേരള സർക്കാരുകളുടെ ഫാസിസ്റ്റ് നയങ്ങൾക്കും, വിലക്കയറ്റം, അഴിമതി, ധൂർത്ത്, ക്രമസമാധാന തകർച്ച എന്നിവയ്ക്കുമെതിരെ കെ പി സി സി പ്രസിഡന്റും പ്രതിപക്ഷ നേതാവും നയിക്കുന്ന സമരാഗ്നി ജനകീയ പ്രക്ഷോഭയാത്ര യ്ക്ക് വടകരയിൽ നൽകുന്ന സ്വീകരണം വിജയിപ്പിക്കാൻ വേളം മണ്ഡലത്തിൽ വിപുലമായ സ്വാഗത സംഘം രൂപീകരിച്ചു. സ്വാഗത സംഘം രൂപീകരണ സ്പെഷൽ കൺവെൻഷൻ കെ പി സി സി മെമ്പർ
കെ ടി ജെയിംസ് ഉദ്ഘാടനം ചെയ്തു. മണ്ഡലം പ്രസിഡൻണ്ട് മഠത്തിൽ ശ്രീധരൻ അദ്യക്ഷത വഹിച്ചു. അഡ്വ: പ്രമോദ് കക്കട്ടിൽ, ശ്രീജേഷ് ഊരത്ത്, കെ സി ബാബു, കെ കെ അബ്ദുല്ല, ടി വി കുഞ്ഞിക്കണ്ണൻ, സി എം കുമാരൻ ,എം കെ അനീഷ്, ഇ.കെ. ഇഖ്ബാൽ, ഏ കെ രാജീവൻ, അഡ്വ: മുഹമ്മദ് ഫൈസൽ, തായന ബാലാമണി, അനിഷ പ്രദീപ്, എം പി കുഞ്ഞിക്കണ്ണൻ, പി കെ ചന്ദ്രൻ ഷാജി മന്തരത്തൂർ എന്നിവർ സംസാരിച്ചു.