കൊയിലാണ്ടി: മലബാര് മൂവി ഫെസ്റ്റിവല് എട്ടാമത് എഡിഷനില് ഡോ. ബിജു സംവിധാനം ചെയ്ത ‘പാപ ബുക്ക’ ഉദ്ഘാടന ചിത്രമായി പ്രദര്ശിപ്പിക്കും. കൊയിലാണ്ടി നഗരസഭ 
ടൗണ്ഹാളില് മേയ് 15,16,17 തിയ്യതികളിലാണ് ചലച്ചിത്രോത്സവം. രാവിലെ 10 മുതല് പ്രദര്ശനം തുടങ്ങും. 15ന് രാവിലെ ബെസ്റ്റ് ഓഫ് ഇന്സൈറ്റ് ഇന്റര്നാഷണല് ഷോര്ട്ട് ഫിലിം ഫെസ്റ്റിവലിലെ മികച്ച സിനിമകള്, സ്പാനിഷ് ചിത്രം ഡാന്സ് ഓഫ് റിയാലിറ്റി (അലക്സാണ്ട്റോക ജൊഡൊറോവ്സ്കി), ഹംഗേറിയന് സിനിമ ഡാം നേഷന് (ബേല താര്), ഹ്രസ്വ ചിത്രങ്ങള്. 5.30ന് നിയുക്ത എംഎല്എ കെ. പ്രവീണ്കുമാര് ഫെസ്റ്റിവല് ഉദ്ഘാടനം ചെയ്യും. തുടര്ന്ന് ഉദ്ഘാടന ചിത്രം.
16ന് ബെസ്റ്റ് ഓഫ് എഫ്എഫ്എസ്ഐ സൈന്സ്, പേര്ഷ്യന് ചിത്രം ദ പേഷ്യന്സ് സ്റ്റോണ് 
(അതീഖി റഹിമി), എ.പ്രഗ്നനന്റ് വിഡോ (ഉണ്ണി കെ.ആര്), ഓപ്പണ് ഫോറം, ഹിന്ദി സിനിമ ഖിഡ്ക്കി ഗാവ് (സ്ഞ്ജു സുരേന്ദ്രന്), ജപ്പാനീസ് ചിത്രം ലൈക് സംവണ് ഇന് ലവ് (അബ്ബാസ് കിരസ്തോമി). 17ന് ഉരു പാക്കേജ് സിനിമകള്, ഇറ്റാലിയന് സിനിമ യൂത്ത് (പൗലോസൊറന്റിനോ), മലയാള സിനിമ റിക്കാര്ഡ് ഡാന്സ് (ഷിഹാബ് ഓങ്ങല്ലൂര്), മലയാള ചിത്രം പലമ (ആശ ആച്ചി ജോസഫ്), ഓപ്പണ് ഫോറം, സമാപന സമ്മേളനം, മലയാള ചിത്രം വിക്ടോറിയ (ശിവരഞ്ജിനി) എന്നിവ പ്രദര്ശിപ്പിക്കും.
ഉദ്ഘാടന, സമാപന സമ്മേളനങ്ങളില് രാഷ്ട്രീയ- സാംസ്കാരിക രംഗത്തെ പ്രമുഖര് 
പങ്കെടുക്കും. ഓപ്പണ് ഫോറത്തില് പ്രമുഖ സിനിമപ്രവര്ത്തകര് സംവദിക്കും. സിനിമ നിരൂപകന് ഡോ. സി.എസ്. വെങ്കിടേശ്വരനാണ് ഫെസ്റ്റിവല് ഡയറക്ടര്. കൊയിലാണ്ടി നഗരസഭ, കേരള ചലച്ചിത്ര അക്കാദമി, ആദി ഫൗണ്ടേഷന്, ഇന്സൈറ്റ് ഫിലിം സൊസൈറ്റി, ഫെഡറേഷന് ഓഫ് ഫിലിം സൊസൈറ്റീസ് ഓഫ് ഇന്ത്യ- കേരള എന്നിവ ചേര്ന്നാണ് അന്താരാഷ്ട്ര ഫിലിം മേള നടത്തുന്നത്. നഗരസഭാധ്യക്ഷന് യു.കെ. ചന്ദ്രന് ചെയര്മാനും കെ.വി. സുധീര് കണ്വീനറുമായുള്ള സംഘാടക സമിതിയുടെ നേതൃത്വത്തിലാണ് പ്രവര്ത്തനം. ഡെലിഗേറ്റ് പാസിന് ബന്ധപ്പെടേണ്ട നമ്പര്: 8848188659.
