ഷാര്‍ജ: യുവ എഴുത്തുകാരി മനാല്‍ ഗഫൂര്‍ രചിച്ച് ബുക്ക് പ്ലസ് പ്രസിദ്ധീകരിച്ച ഇംഗ്ലീഷ് നോവല്‍ ‘ദി റോഡ് അപ്പ് നോര്‍ത്ത്’ ഷാര്‍ജ 
അന്താരാഷ്ട്ര പുസ്തകമേളയില്‍ പ്രകാശനം ചെയ്തു. എസ്ബിഐഎഫ് റൈറ്റേഴ്‌സ് ഫോറത്തില്‍ നടന്ന ചടങ്ങില്‍ മുന്‍ ചൈല്‍ഡ് വെല്‍ഫെയര്‍ കമ്മിറ്റി ചെയര്‍മാനും മുന്‍ അസിസ്റ്റന്റ് പബ്ലിക് പ്രോസിക്യൂട്ടറുമായ അഡ്വ: മുഹമ്മദ് സാജിദ്, അലിഫ് സ്മാര്‍ട്ട് ബിസിനസ് മാനേജിംഗ് ഡയറക്ടര്‍ സുഹൈലിന് നല്‍കി പ്രകാശനം നിര്‍വഹിച്ചു. റേഡിയോ അവതാരകനും മാധ്യമപ്രവര്‍ത്തകനുമായ ഷാബു കിളിത്തട്ടില്‍, കവിയും എഴുത്തുകാരനുമായ കയ്യൂര്‍ വില്‍സണ്‍, ഡോ: ജമാല്‍, എന്‍ജിനീയര്‍ സുഹൈര്‍ തുടങ്ങിയവര്‍ ആശംസകള്‍ നേര്‍ന്നു. ബുക്ക് പ്ലസ് മാനേജര്‍ സൈനുദ്ദീന്‍ സ്വാഗതവും എഴുത്തുകാരി മനാല്‍ ഗഫൂര്‍ നന്ദിയും പറഞ്ഞു
വടകര പുതുപ്പണം ഈച്ചിലിന്റവിട സുഹൈര്‍ അസീസിന്റെ ഭാര്യയാണ് പെരിന്തല്‍മണ്ണ സ്വദേശിയായ മനാല്‍ ഗഫൂര്‍. എഞ്ചിനിയറിംഗ് ബിരുദധാരിയായ ഇവര്‍ ലണ്ടനില്‍ സോഫ്റ്റ് വെയര്‍ എഞ്ചിനീയറാണ്.
