വടകര: കേരള സാഹിത്യ അക്കാദമി ചെയര്മാനായി നിയോഗിക്കപ്പെട്ട പ്രശസ്ത സാഹിത്യകാരന് കല്പ്പറ്റ നാരായണനെ കാപ്കോസ് വടകരയില് സംഘടിപ്പിച്ച ചടങ്ങില് 
ആഭ്യന്തര മന്ത്രി രമേശ് ചെന്നിത്തല ഉപഹാരം നല്കി ആദരിച്ചു. മലയാള സാഹിത്യത്തിന് കല്പ്പറ്റ നാരായണന് നല്കിയ സംഭാവനകള് വിലമതിക്കാനാവാത്തതാണെന്ന് രമേശ് ചെന്നിത്തല പറഞ്ഞു. എഴുത്തിലൂടെ സമൂഹത്തോട് നിരന്തരം സംവദിക്കുകയും കാലഘട്ടത്തിന്റെ രാഷ്ട്രീയ-സാമൂഹിക-സാംസ്കാരിക വിഷയങ്ങളില് വ്യക്തമായ നിലപാടുകള് സ്വീകരിക്കുകയും ചെയ്ത എഴുത്തുകാരനാണ് കല്പ്പറ്റ നാരായണനെന്ന് അദ്ദേഹം പറഞ്ഞു.
സാഹിത്യത്തെ കേവലം സര്ഗാത്മകമായ ആവിഷ്കാരമായി കാണാതെ സമൂഹത്തിന്റെ ജീവിതാനുഭവങ്ങളോടും മനുഷ്യന്റെ വേദനകളോടും പ്രതീക്ഷകളോടും 
ചേര്ത്തുനിര്ത്തിയ എഴുത്തുകാരനാണ് കല്പ്പറ്റ നാരായണന്. അദ്ദേഹത്തിന്റെ എഴുത്തും ചിന്തകളും മലയാളത്തിന്റെ സാംസ്കാരിക മണ്ഡലത്തിന് വലിയ സംഭാവനയാണ് നല്കിയിട്ടുള്ളതെന്നും രമേശ് ചെന്നിത്തല പറഞ്ഞു.
കേരള സാഹിത്യ അക്കാദമിയുടെ ചെയര്മാന് എന്ന നിലയില് മലയാള സാഹിത്യത്തിനും സാംസ്കാരിക രംഗത്തിനും കൂടുതല് ഊര്ജസ്വലമായ നേതൃത്വം നല്കാന് അദ്ദേഹത്തിന് കഴിയട്ടെയെന്നും രമേശ് ചെന്നിത്തല ആശംസിച്ചു.
കാപ്കോസ് സംഘടിപ്പിച്ച ചടങ്ങില് കല്പ്പറ്റ നാരായണന് അതിഥിയായി പങ്കെടുത്തു.
മുന് കെപിസിസി പ്രസിഡന്റ് മുല്ലപ്പള്ളി രാമചന്ദ്രന്, അഡ്വ ഐ. മൂസ, ഡിസിസി പ്രസിഡന്റ് കെ. പ്രവീണ്കുമാര് എംഎല്എ, പാറക്കല് അബ്ദുള്ള എംഎല്എ കെ.കെ. രമ എംഎല്എ, കെ എം അഭിജിത്ത് എംഎല്എ എന്നിവര് പങ്കെടുത്തു
