പാലക്കാട്: പാലക്കാട് റെയില്വേ ഡിവിഷന് വെട്ടിമുറിച്ച കേന്ദ്ര സര്ക്കാരിന്റെ ജനദ്രോഹ നടപടിക്കെതിരെ ഡിവൈഎഫ്ഐ സമരം. പ്രവര്ത്തകര് പാലക്കാട് റെയില്വേ 
ഡിവിഷനല് ഓഫീസിലേക്ക് പ്രതിഷേധ മാര്ച്ച് സംഘടിപ്പിച്ചു.
രാജ്യത്ത് ഏറ്റവും കൂടുതല് വരുമാനമുള്ള റെയില്വേ ഡിവിഷനുകളിലൊന്നായ പാലക്കാടിനെ തകര്ക്കാനാണ് കേന്ദ്ര സര്ക്കാര് ശ്രമിക്കുന്നതെന്ന് ഡിവൈഎഫ്ഐ കുറ്റപ്പെടുത്തി. പാലക്കാട് ഡിവിഷന് കീഴിലുള്ളതും ഏറ്റവും കൂടുതല് വരുമാനം നല്കുന്നതുമായ മംഗലാപുരം സെന്ട്രല്, മംഗലാപുരം ജംഗ്ഷന്, പനമ്പൂര് റെയില്വേ സ്റ്റേഷനുകള് അടര്ത്തിയെടുത്ത് കര്ണാടകയിലെ മൈസൂരു ഡിവിഷനില് 
ലയിപ്പിക്കാനാണ് കേന്ദ്രം തീരുമാനിച്ചിരിക്കുന്നത്. കര്ണാടക തെരഞ്ഞെടുപ്പ് ലക്ഷ്യമിട്ട് ബിജെപി നടത്തുന്ന രാഷ്ട്രീയ നാടകമാണിതെന്നാണ് ആക്ഷേപം.
ഈ വിഷയത്തില് കേന്ദ്രത്തിനെതിരെ ശക്തമായ വിമര്ശനവും പ്രതിഷേധവുമാണ് കേരളത്തിലാകെ അലയടിക്കുന്നത്. ഇതിന് പിന്നാലെയണ് ഡിവൈഎഫ്ഐ പ്രതിഷേധ മാര്ച്ച് സംഘടിപ്പിച്ചത്.
