കൽപ്പറ്റ: വയനാട് കള്ളാടിയിൽ മണ്ണിടിച്ചിലുണ്ടായ സ്ഥലത്ത് ഇന്ന് വിപുലമായ തെരച്ചിൽ നടക്കും. കരാർ കമ്പനിയിലെ ജീവനക്കാരായ അഞ്ചുപേരെ ഇതുവരെ കണ്ടെത്താനായിട്ടില്ല. 
കെടാവർ നായ്ക്കളെ എത്തിച്ച് പ്രദേശത്ത് വിപുലമായ തെരച്ചിൽ നടത്തും. മൂന്ന് പേരുടെ മൃതദേഹം പോസ്റ്റ്മോർട്ടം പൂർത്തിയാക്കിയ ശേഷം ഇന്നലെ രാത്രിയോടെ തന്നെ കോഴിക്കോട് മെഡിക്കൽ കോളജ് ആശുപത്രിയിലേക്ക് മാറ്റി. മെഡിക്കല് കോളജ് ആശുപത്രിയില് നിന്ന് എംബാം ചെയ്ത് ഇന്ന് നാട്ടിലേക്ക് എയര് ലിഫ്റ്റ് ചെയ്യാനാണ് തീരുമാനം. മധ്യപ്രദേശ് സ്വദേശി ചന്ദ്ര ബാന്, ബിഹാര് സ്വദേശി ബികാഷ് കുമാര്, ജാര്ഖണ്ഡ് സ്വദേശി അന്മോല് എന്നിവരാണ് മരിച്ചത്.
മുഖ്യമന്ത്രി വി ഡി സതീശന് ഇന്ന് വയനാട് 
കള്ളാടിയില് എത്തുന്നുണ്ട്. ഉച്ചയോടെ മുഖ്യമന്ത്രി വി.ഡി. സതീശൻ മണ്ണിടിച്ചിൽ നടന്ന സ്ഥലം സന്ദർശിക്കുംമന്ത്രിമാരായ ടി സിദ്ധിഖും എപി അനില്കുമാറും ജില്ലയില് തുടരുകയാണ്. നിലവിൽ പ്രദേശത്ത് കനത്തമഴ തുടരുകയാണ്. പ്രതികൂല കാലാവസ്ഥ തെരച്ചിലിന് തിരിച്ചടിയാകുന്നുണ്ട്.
ഹിമാല്പ്രദേശ് സ്വദേശികളായ വിക്രം റാണ(കണ്സ്ട്രക്ഷന് മാനേജര്), രാഹുല്(എഞ്ചിനീയര്), ബിഹാര് സ്വദേശി മുഹമ്മദ് ഇംറാന്(എക്സ്കവേറ്റര് ഓപ്പറേറ്റര്), പശ്ചിമബംഗാള് സ്വദേശി രാകേഷ് ഗുചൈത്(സര്വേയര്), ഉത്തര്പ്രദേശ് സ്വദേശി 
അസ്ഹറുദ്ദീന് അന്സാരി(സര്വേയര്) എന്നിവരെയാണ് കണ്ടെത്താനുള്ളത്. ദുരന്തത്തില് പരിക്കേറ്റ് ചികിത്സയില് കഴിയുന്നവരുടെ ആരോഗ്യനില തൃപ്തികരമാണ്.
ദുരന്തമേഖലയ്ക്ക് സമീപമുള്ള പ്രദേശങ്ങളിലെ ആളുകള് പുനരധിവാസ ക്യാമ്പുകളില് തുടരുകയാണ്. ഇന്നലെയാണ് ആളുകളെ സുരക്ഷിതസ്ഥാനത്തേക്ക് മാറ്റിയത്. 47 കുടുംബങ്ങളില് നിന്ന് 140 പേരാണ് ദുരിതാശ്വാസ ക്യാമ്പില് ഉള്ളത്. മേപ്പാടി പോളിടെക്നിക് കോളേജിലാണ് ദുരിതാശ്വാസ ക്യാമ്പ് പ്രവര്ത്തിക്കുന്നത്. മണ്ണിടിച്ചില് ഉണ്ടായ ഭാഗത്തിനു സമീപത്തെ എസ്റ്റേറ്റിലെ തൊഴിലാലികളും ഉന്നതിയിലെ ആളുകളുമാണ് ക്യാമ്പിലുള്ളത്. നിലവില് ഒരു ദുരിതാശ്വാസക്യാമ്പ് മാത്രമാണ് ജില്ലയില് പ്രവര്ത്തിക്കുന്നത്.
