കല്പറ്റ: വയനാട് തുരങ്കപാത നിര്മാണ മേഖലയിലെ മീനാക്ഷിപാലത്തിന് സമീപം ഉണ്ടായ മണ്ണിടിച്ചിലില് പ്രതികരണവുമായി പ്രതിപക്ഷ നേതാവ് പിണറായി വിജയന്. ദുരന്തം 
അങ്ങേയറ്റം ദാരുണവും ഞെട്ടിപ്പിക്കുന്നതുമാണെന്ന് അദ്ദേഹം ഫേസ്ബുക്കില് കുറിച്ചു. സര്ക്കാരിന്റെയും ദുരന്തനിവാരണ വകുപ്പിന്റെയും പ്രവര്ത്തനങ്ങള്ക്ക് പ്രതിപക്ഷത്തിന്റെ പൂര്ണ പിന്തുണയുണ്ടെന്നും അദ്ദേഹം അറിയിച്ചു.
രക്ഷാപ്രവര്ത്തനം തുടരാനും അടിയന്തര വൈദ്യസഹായം ലഭ്യമാക്കാനുമുള്ള ഘട്ടമാണിത്. മണ്ണിനടിയില് കുടുങ്ങിക്കിടക്കുന്ന മുഴുവന് പേരെയും പുറത്തെടുക്കാന് അടിയന്തര നടപടികള് ആവശ്യമാണ്. സര്ക്കാരിന്റെയും ദുരന്തനിവാരണ വകുപ്പിന്റെയും പ്രവര്ത്തനങ്ങള്ക്ക് പിന്തുണ അറിയിക്കുകയാണ്. ദുരന്തത്തില് ജീവഹാനി സംഭവിച്ചവരുടെ 
കുടുംബങ്ങളുടെ ദുഃഖത്തില് പങ്കുചേരുന്നു. ആശ്രിതര്ക്ക് അടിയന്തര ധനസഹായം ലഭ്യമാക്കണം. പരിക്കേറ്റവര്ക്ക് സര്ക്കാര് സൗജന്യമായി വിദഗ്ധ ചികിത്സയും ധനസഹായവും ഉറപ്പുവരുത്തണം. ഈ വിഷയവുമായി ബന്ധപ്പെട്ട് സ്വീകരിക്കേണ്ട അടിയന്തര നടപടികള് സ്വീകരിക്കുന്നതില് ബന്ധപ്പെട്ടവരുടെ ഭാഗത്ത് വീഴ്ചയും കുറ്റകരമായ അനാസ്ഥയും ഉണ്ടായിട്ടുണ്ടോ എന്ന ഗൗരവപൂര്വ്വമായ പരിശോധന ആവശ്യമാണ്’.- പിണറായി വിജയന് പറഞ്ഞു.
