തിരുവനന്തപുരം: സംസ്ഥാനത്ത് ഇന്നും വടക്കന് ജില്ലകളില് ശക്തമായ മഴയ്ക്ക് സാധ്യത. 
അഞ്ച് ജില്ലകളിലാണ് കേന്ദ്ര കാലാവസ്ഥ വകുപ്പിന്റെ മഴ മുന്നറിയിപ്പുള്ളത്. മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലാണ് കാലാവസ്ഥ വകുപ്പ് മുന്നറിയിപ്പ് നല്കിയിരിക്കുന്നത്.
അഞ്ച് ജില്ലകളിലും യെല്ലോ അലര്ട്ട് പ്രഖ്യാപിച്ചിട്ടുണ്ട്. ബുധനാഴ്ച ആലപ്പുഴ, കോട്ടയം, എറണാകുളം, കോഴിക്കോട്, കണ്ണൂര്, കാസര്കോട് ജില്ലകളിലും യെല്ലോ അലര്ട്ട് പ്രഖ്യാപിച്ചിട്ടുണ്ട്. തെക്കന് ഗുജറാത്ത് തീരം മുതല് വടക്കന് കേരള തീരം വരെ 
സമുദ്രനിരപ്പില് തീരദേശ ന്യൂനമര്ദപാത്തി സ്ഥിതിചെയ്യുന്നതായി കാലാവസ്ഥ വകുപ്പ് അറിയിച്ചിട്ടുണ്ട്.
ഇതുകൂടാതെ തെക്കന് ജാര്ഖണ്ഡിനും അതിനോട് ചേര്ന്ന വടക്കന് ഒഡീഷയുടെ ഉള്പ്രദേശങ്ങള്ക്കും മുകളിലായി തീവ്രന്യൂനമര്ദവും സ്ഥിതി ചെയ്യുന്നുണ്ട്. ഇത് ജാര്ഖണ്ഡ്, വടക്കന് ഛത്തീസ്ഗഢ്, അതിനോട് ചേര്ന്ന കിഴക്കന് മധ്യപ്രദേശ് എന്നീ പ്രദേശങ്ങളിലൂടെ വടക്ക് – പടിഞ്ഞാറ് ദിശയിലേക്ക് നീങ്ങാന് സാധ്യതയുണ്ടെന്നാണ് പ്രവചനം.
