കല്പ്പറ്റ: കനത്ത മഴയ്ക്കിടെ വയനാട് കള്ളാടിയില് തുരങ്കപാതയുടെ പദ്ധതി പ്രദേശത്തിനു സമീപം മണ്ണിടിഞ്ഞ് മരണം അഞ്ചായി. നിരവധി പേര്ക്ക് പരിക്കേറ്റു. ഇതില് ഒരാളുടെ നില 
ഗുരുതരമാണ്. തുരങ്ക പാതയ്ക്കായി നിര്മിച്ച കോണ്ക്രീറ്റ് ഭിത്തിയും മണ്ണിടിച്ചിലില് തകര്ന്നു. മണ്ണിനടിയില് കുടുങ്ങിയ ആറുപേരെ രക്ഷപ്പെടുത്തി ആശുപത്രിയിലേക്ക് മാറ്റി. കാണാതായ മൂന്നു പേര് മണ്ണിനടിയില് കുടുങ്ങി കിടക്കുന്നതായി സംശയമുണ്ട്. രക്ഷാപ്രവര്ത്തനം പുരോഗമിക്കുകയാണ്. ഇന്നലെ മുതല് അതിതീവ്ര മഴയാണ് വയനാട്ടില്. കോഴിക്കോട്, വയനാട് ജില്ലകളില് ഇന്ന് റെഡ് അലര്ട്ട് പ്രഖ്യാപിച്ചിട്ടുണ്ട്.
തുരങ്കപാതയുടെ നിര്മാണത്തിനിടെ അശാസ്ത്രീയമായി മണ്ണ് കൂട്ടിയതു കൊണ്ടാണ് ദുരന്തമുണ്ടായതെന്ന് മന്ത്രി ടി.സിദ്ദിഖ് പറഞ്ഞു. പ്രകൃതിദുരന്തമല്ല, മനുഷ്യനിര്മിത 
ദുരന്തമാണ് സംഭവിച്ചതെന്നും മന്ത്രി പറഞ്ഞു. അശാസ്ത്രീയമായി മണ്ണ് കൂട്ടിയിടരുതെന്ന നിര്ദേശം നിര്ദേശം പാലിക്കാത്തതില് സര്ക്കാര് കര്ശന നടപടി സ്വീകരിക്കുമെന്നും മന്ത്രി പറഞ്ഞു.
ഇന്ന് രാവിലെ 10.30 ഓടുകൂടിയാണ് മണ്ണിടിച്ചില് ഉണ്ടായത്. നിര്മാണം നടക്കുന്നതിനിടെ മണ്ണിടിഞ്ഞ് റോഡിലേക്ക് പതിക്കുകയായിരുന്നു. മേപ്പാടിയില് നിന്ന് ചൂരല്മലയിലേക്ക് പോകുന്ന പ്രധാന പാതയിലാണ് അപകടമുണ്ടായത്.
