തിരുവനന്തപുരം: മുന്ഗണനാ റേഷന് കാര്ഡുകള്ക്ക് ഇന്ന് മുതല് അപേക്ഷിക്കാമെന്ന് 
പൊതുവിതരണ ഉപഭോക്തൃകാര്യ കമ്മിഷണര് അറിയിച്ചു. ഒഴിവാക്കല് മാനദണ്ഡങ്ങളില് ഉള്പ്പെടാത്ത കുടുംബങ്ങളുടെ പൊതുവിഭാഗം (വെള്ള, നീല) റേഷന് കാര്ഡുകള് പി എച്ച് എച്ച് വിഭാഗത്തിലേക്ക് (പിങ്ക് കാര്ഡ്) തരംമാറ്റാനായി ഇന്ന് (27/06/2026) മുതല് അടുത്തമാസം 17 വരെ (17/07/2026) ഓണ്ലൈനായാണ് അപേക്ഷിക്കേണ്ടത്.
അര്ഹരായ കാര്ഡുടമകള് ബന്ധപ്പെട്ട 
രേഖകള് സഹിതം അക്ഷയ കേന്ദ്രങ്ങള് വഴിയോ സിറ്റിസണ് ലോഗിന് പോര്ട്ടല് (ecitizen.civilsupplieskerala.gov.in ) മുഖേനയോ ഓണ്ലൈന് ആയി അപേക്ഷിക്കണം. മുന്ഗണനാ റേഷന് കാര്ഡുകള് ലഭിക്കാന് അര്ഹതയുള്ള, മുന്ഗണനേതര വിഭാഗക്കാര്ക്ക് ഇതിന്റെ പ്രയോജനം ലഭിക്കും.
