പത്തനംതിട്ട: തെരഞ്ഞെടുപ്പ് കൺവെൻഷനിലെ പ്രസംഗത്തിനിടെ ചോദ്യം ചോദിച്ചയാളോട് വീട്ടിൽ പോയി ചോദിക്കാൻ മുഖ്യമന്ത്രി പിണറായി വിജയന്റെ മറുപടി. കോന്നിയിൽ നടന്ന 
തെരഞ്ഞെടുപ്പ് കൺവെൻഷനിടെ ആയിരുന്നു സംഭവം. മുഖ്യമന്ത്രിയുടെ പ്രസംഗത്തിനിടെ സദസിലിരുന്ന ഒരാൾ ഒരു ചോദ്യം എന്ന് മുഖ്യമന്ത്രിയോട് പറയുകയായിരുന്നു. കേരളത്തിലെ അടിസ്ഥാന സൗകര്യ വികസനങ്ങളെക്കുറിച്ച് മുഖ്യമന്ത്രി പ്രസംഗിക്കുന്നതിനിടെ ആയിരുന്നു ചോദ്യം.
ചോദിച്ചത് തെറ്റായി പോയെന്ന് ദാസ് പി ജോര്ജ്
അതേസമയം തെരഞ്ഞെടുപ്പ് പൊതുയോഗത്തില് മുഖ്യമന്ത്രി പ്രസംഗിക്കുന്നതിനിടെ താന് ചോദ്യം ചോദിച്ചത് തെറ്റായി പോയെന്ന് കോന്നി സ്വദേശിയും സിപിഎം പ്രവര്ത്തകനുമായ ദാസ് പി ജോര്ജ് മാധ്യമങ്ങളോട് പറഞ്ഞു. തന്റെ ചോദ്യം മുഖ്യമന്ത്രിയുടെ പ്രസംഗം തടസപ്പെടാന് കാരണമായി. ആ അവസരത്തില് താന് ചോദ്യം ചോദിക്കാന് പാടില്ലായിരുന്നു. അപ്പോഴത്തെ ആവേശത്തില് ചോദിച്ച് പോയതാണെന്നു
ദാസ് പി ജോര്ജ് പറഞ്ഞു.
‘ഞാന് ഉദ്ദേശിച്ചത്, 20,000 കോടി രൂപയുടെ വികസനം ചെയ്ത് കഴിഞ്ഞിരിക്കുകയാണ്. മുഖ്യമന്ത്രി സംസാരിച്ചത് ഇതാണ്. മുന്നോട്ടുള്ള വികസനം ചെയ്യാന് ഫണ്ട് കേന്ദ്രത്തിലെ ബിജെപി സര്ക്കാര് തടസപ്പെടുത്തി വെച്ചിരിക്കുകയാണ്. എങ്ങനെ മുന്നോട്ടുള്ള ഫണ്ട് കണ്ടെത്തുമെന്ന ഒരു ചോദ്യമാണ് ഞാന് ഉദ്ദേശിച്ചത്. ഇത് മുഖ്യമന്ത്രിയുടെ പ്രസംഗം തടസപ്പെടുത്താന് കാരണമായിട്ടുണ്ട്. ആ അവസരത്തില് ഞാന് ചോദിക്കാന് പാടില്ലായിരുന്നു. ആവേശത്തില് ചോദിച്ച് പോയി. ഇത്രയേ സംഭവിച്ചിട്ടുള്ളൂ. ഞാന് ചെയ്തത് തെറ്റാണെന്നും എന്റെ ഏറ്റവും വലിയ ആരാധകനായ വ്യക്തിയാണ് പിണറായി വിജയനെന്നും ദാസ് പി ജോര്ജ് മാധ്യങ്ങളോട് പറഞ്ഞു
