വടകര: വടകര മുന്സിപ്പാലിറ്റിയിലും സമീപപ്രദേശങ്ങളിലുള്ള പഞ്ചായത്തുകളിലും ഉപ്പ് കലര്ന്ന വെള്ളം വിതരണം ചെയ്യുന്ന വാട്ടര് അതോറിറ്റിക്കെതിരെ രോഷവുമായി യൂത്ത് 
കോണ്ഗ്രസ് പ്രതിഷേധം. വടകര നിയോജകമണ്ഡലം കമ്മിറ്റിയുടെ നേതൃത്വത്തില് പ്രവര്ത്തകര് വാട്ടര് അതോറിറ്റി ഡെപ്യൂട്ടി എക്സിക്യൂട്ടീവ് എന്ജിനീയറെ ഉപരോധിച്ചു. വാട്ടര് അതോറിറ്റി വിതരണം ചെയ്ത ഉപ്പുവെള്ളം വാട്ടര് അതോറിറ്റി ഓഫീസിനു മുന്നില് ഒഴുക്കിയും യൂത്ത്കോണ്ഗ്രസ് പ്രതിഷേധിച്ചു മുനിസിപ്പാലിറ്റിയിലെ ഭൂരിഭാഗം സ്കൂളുകളും കോളജുകളും ഉപയോഗിക്കുന്നത് വാട്ടര് അതോറിറ്റിയുടെ വെള്ളമാണ്. വീടുകളില് 
കുടിവെള്ളത്തിനും ഉപയോഗിക്കുന്നത് വാട്ടര് അതോറിറ്റിയുടെ ഈ വെള്ളം തന്നെ. ഇവിടങ്ങളിലെല്ലാം ഉപ്പു വെള്ളത്തിന്റെ ദുരിതം പേറുകയാണ്.
കുടിവെള്ള പ്രശ്നത്തിന് അടിയന്തര പരിഹാരം കാണണമെന്ന് ആവശ്യപ്പെട്ടായിരുന്നു യൂത്ത് കോണ്ഗ്രസ് പ്രവര്ത്തകര് ഉപരോധ സമരം നടത്തിയത്.
വിഷ്ണുമംഗലം ബണ്ടില് നിന്നു പുറമേരിയില് വെള്ളമെത്തിച്ച് വടകരയിലെ വാട്ടര് അതോറിറ്റിയുടെ ടാങ്ക് വഴി ഉപ്പിന്റെ അംശം ഇല്ലാത്ത കുടിവെള്ള വിതരണം ശനിയാഴ്ച 
ആരംഭിക്കുമെന്ന ഡെപ്യൂട്ടി എക്സിക്യൂട്ടീവ് എഞ്ചിനീയര് പി.ഡി.ദിപിന്ലാലിന്റെ ഉറപ്പിനെ തുടര്ന്നാണ് ഉപരോധ സമരം അവസാനിപ്പിച്ചത്. നിയോജകമണ്ഡലം പ്രസിഡന്റ് സി.നിജിന്, മുഹമ്മദ് മിറാഷ്, അഭിനന്ദ് ജെ മാധവ്, ജിബിന്രാജ്, ദില്രാജ് പനോളി, അതുല് ബാബു, ശ്രീജിഷ് യു.എസ്, സിജു പുഞ്ചിരിമില്, ജാബിര്. കെ.എം എന്നിവര് നേതൃത്വം നല്കി
