വടകര: വടകരയിലെ എല്ഡിഎഫ് സ്ഥാനാര്ഥി കെ.കെ ശൈലജക്കെതിരെ വ്യക്തിഹത്യയും അധിക്ഷേപ മുദ്രാവാക്യങ്ങളും മുഴക്കിയ യുഡിഎഫുകാര്ക്കെതിരെ എല്ഡിഎഫ് വടകര മണ്ഡലം സെക്രട്ടറി തെരഞ്ഞെടുപ്പ് കമ്മീഷനും കലക്ടര്ക്കും പരാതി നല്കി. ‘കള്ളീ കള്ളീ കാട്ടുകള്ളീ,കോവിഡ് കള്ളീ ശൈലജേ’ എന്ന മുദ്രാവാക്യമാണ് വടകര അഞ്ചുവിളക്കിന് സമീപത്ത് കൊട്ടിക്കലാശത്തിനിടെ യുഡിഎഫ് സ്ഥാനാര്ഥിക്കു വേണ്ടി യുഡിഎഫ് നേതാക്കളും പ്രവര്ത്തകരും മുഴക്കിയത്. ഇതിലൂടെ തെരഞ്ഞെടുപ്പ് ചട്ട ലംഘനമാണ് യുഡിഎഫ് നടത്തിയതെന്നു പരാതിയില് പറയുന്നു. വടകരയില്
പ്രചാരണത്തിന്റെ തുടക്കം മുതല് കെ.കെ.ശൈലജയെ വ്യക്തിഹത്യ ചെയ്യുന്നതിനും അവഹേളിക്കുന്നതിനുമാണ് യുഡിഎഫ് തയ്യാറായത്. ലോകം ആദരിച്ച പൊതുപ്രവര്ത്തകയും മുന് ആരോഗ്യ മന്ത്രിയുമായ കെ.കെ.ശൈലജക്ക്ജ നങ്ങള്ക്കിടയിലുള്ള സ്വീകാര്യത ഇല്ലാതാക്കാനുള്ള ശ്രമമാണ് യുഡിഎഫ് നടത്തിയത്.
വടകരയില് രാഷ്ട്രീയ വിഷയങ്ങള് ചര്ച്ച ചെയ്യാന് യുഡിഎഫ് തയ്യാറായില്ല. സ്ത്രീത്വത്തെ
അപമാനിക്കുന്ന തരത്തില് നിരവധി പോസ്റ്ററുകളും നവ മാധ്യമങ്ങളില് വ്യാജ വീഡിയോകളും നിര്മിച്ച് പ്രചരിപ്പിക്കുന്ന നിലയാണ് യുഡിഎഫ് വടകരയില് തുടര്ന്നത്. ടീച്ചര് പറയാത്ത കാര്യങ്ങള് പറഞ്ഞു എന്ന് വരുത്താന് നിരവധി വീഡിയോകള് വ്യാജമായി ഉണ്ടാക്കി. അതിന്റെ ഒടുവിലത്തെ നീചമായ പ്രവര്ത്തിയാണ് ഇന്നലെ വടകരയില് യുഡിഎഫ് നേതാക്കളുടെ നേതൃത്വത്തില് നടത്തിയതെന്നാണ് ആക്ഷേപം.