കോഴിക്കോട്: കടലുണ്ടിയില് സ്ലീപ്പര് ബസ് താഴ്ചയിലേക്ക് മറിഞ്ഞ് ഒരാള് മരിച്ചു. കര്ണാടക സ്വദേശിയാണ് മരിച്ചത്. അപകടത്തില് 18 പേര്ക്ക് പരിക്കേറ്റു. ഇതില് രണ്ടുപേരുടെ നില ഗുരുതരമാണ്. ഇവരെ കോഴിക്കോട് മെഡിക്കല് കോളജ് ആശുപത്രിയിലേക്ക് മാറ്റി. ഇന്ന് പുലര്ച്ചെ രണ്ടരയോടെ കടലുണ്ടി മണ്ണൂര് പഴയ ബാങ്കിന് സമീപത്താണ് അപകടമുണ്ടായത്.
തിരുവന്തപുരത്ത് നിന്ന് ഉഡുപ്പിയിലേക്ക് പോയ കോഹിനൂര് എന്ന ബസാണ് അപകടത്തില്പെട്ടത്. വിവരം ലഭിച്ച ഉടനെ സംഭവ സ്ഥലത്തെത്തി പോലീസും അഗ്നിരക്ഷാ സേനയും രക്ഷാപ്രവര്ത്തനം നടത്തി. ബസില് 27 യാത്രക്കാരും മൂന്ന് ജീവനക്കാരുമാണ്
ഉണ്ടായിരുന്നത്.