തലശ്ശേരി: സാധാരണക്കാരുടെ ജീവിതത്തെ പറ്റി ചിന്തിക്കുന്നവര് തനിക്ക് വോട്ട് ചെയ്യുവെന്ന് വടകര മണ്ഡലം യുഡിഎഫ് സ്ഥാനാര്ഥി ഷാഫി പറമ്പില് പറഞ്ഞു. ഒരു ലിറ്റര് പെട്രോളിന്റെ ചാര്ജില് 40 രൂപയും നല്കുന്നത് നികുതിയാണ്. നികുതിയുടെ ഊറ്റലാണ് കേന്ദ്ര -സംസ്ഥാന സര്ക്കാറുകള് നടത്തുന്നതെന്നും അദ്ദേഹം വ്യക്തമാക്കി. തലശ്ശേരി നിയോജക മണ്ഡലത്തിലെ സ്വീകരണ കേന്ദ്രങ്ങളിലൊന്നായ മഞ്ഞോടിയില് സംസാരിക്കുകയായിരുന്നു അദ്ദേഹം.
ഈ സര്ക്കാര് കോടതിയില് പറഞ്ഞത് പെന്ഷന് അവകാശമല്ല ഔദ്യാര്യമാണെന്നാണ്. പെന്ഷന് ഔദ്യാര്യമാണെന്ന് പറഞ്ഞവരെ ഇനിയും നിങ്ങള് നെഞ്ചേറ്റണമോയെന്ന് ചിന്തിക്കേണ്ടിയിരിക്കുന്നുവെന്നും ഷാഫി പറമ്പില് ചോദിച്ചു. തൊഴിലുറപ്പ് തൊഴിലാളികളെ ഇകഴ്ത്തിയെന്ന് പറഞ്ഞ് പാവപ്പെട്ട തൊഴിലാളികളെ എനിക്ക് നേരെ ഇറക്കിയവര് ആദ്യം പാവപ്പെട്ടവര്ക്ക് നല്കേണ്ട കുടിശ്ശികയുള്ള പെന്ഷന് കൊടുത്ത് തീര്ക്കുകയാണ് വേണ്ടതെന്നും ഷാഫി കൂട്ടിച്ചേര്ത്തു.