തിരുവനന്തപുരം: കേരള സ്റ്റോറി സിനിമ ദൂരദര്ശനില് പ്രദര്ശിപ്പിക്കാനുള്ള നീക്കത്തിനെതിരെ തെര.കമ്മീഷന് കത്തയച്ച് പ്രതിപക്ഷ നേതാവ് വി.ഡി.സതീശന്. സിനിമ പ്രദര്ശിപ്പിക്കരുതെന്ന് ആവശ്യപ്പെട്ടാണ് കത്ത്. സിനിമ സംപ്രേക്ഷണം ചെയ്യുന്നത് പെരുമാറ്റച്ചട്ട ലംഘനമാണെന്ന് കത്തില് ചൂണ്ടിക്കാട്ടിയിട്ടുണ്ട്.
സമൂഹത്തില് ഭിന്നിപ്പുണ്ടാക്കുന്ന സിനിമയാണിതെന്നും കത്തില് പറയുന്നു. സിനിമ ദൂരദര്ശനില് പ്രദര്ശിപ്പിക്കാനുള്ള നീക്കത്തില് നിന്നും കേന്ദ്ര സര്ക്കാര് പിന്മാറണമെന്ന് പ്രതിപക്ഷ നേതാവ് നേരത്തേ ആവശ്യപ്പെട്ടിരുന്നു.
ഇതിലൂടെ മതേതര സമൂഹത്തിനുള്ളില് ഭിന്നിപ്പുണ്ടാക്കുകയെന്ന തന്ത്രമാണ് സംഘപരിവാര് ഭരണകൂടം നടപ്പാക്കുന്നത്. സര്ക്കാര് സ്ഥാപനമായ ദൂരദര്ശനെ രാഷ്ട്രീയ ലാഭത്തിന് വേണ്ടി ഉപയോഗിക്കുന്നത് അംഗീകരിക്കാനാകില്ലെന്നും സതീശൻ വ്യക്തമാക്കിയിരുന്നു. കേരള സ്റ്റോറി സംപ്രേഷണം പിന്വലിക്കണമെന്ന് മുഖ്യമന്ത്രിയും ആവശ്യപ്പെട്ടിട്ടുണ്ട്.