കൊച്ചി: ലോക്സഭാ തെരഞ്ഞെടുപ്പില് കേരളത്തില് എസ്ഡിപിഐ പിന്തുണ യുഡിഎഫിന്. കേരളത്തില് ലോക്സഭാ തെരഞ്ഞെടുപ്പില് പാര്ട്ടി മത്സരിക്കുന്നില്ലെന്നും എസ്ഡിപിയുടെ രാഷ്ട്രീയ വിശദീകരിക്കുന്നതിനായി വിളിച്ച് ചേര്ത്ത വാര്ത്താ സമ്മേളനത്തില് സംസ്ഥാന പ്രസിഡന്റ് മൂവാറ്റുപുഴ അഷ്റഫ് മൗലവി വ്യക്തമാക്കി. ബിജെപി വിരുദ്ധമുന്നണിക്ക് നേതൃത്വം നല്കുന്ന പാര്ട്ടി എന്നതാണ് കോണ്ഗ്രസിനെ പിന്തുണക്കാന് പ്രധാന കാരണം. ജാതി സെന്സസ് നടപ്പാക്കുമെന്ന പ്രഖ്യാപനം കോണ്സ് നടത്തിയത് സ്വാഗതാര്ഹമാണെന്നും എസ്ഡിപിഐ വ്യക്തമാക്കി.
പതിനഞ്ച് വര്ഷമായി തെരഞ്ഞെടുപ്പ് രാഷ്ട്രീയത്തില് സജീവമായ പാര്ട്ടിയാണ് എസ്ഡിപിഐ. കഴിഞ്ഞ ലോക്സഭാ തിരഞ്ഞെടുപ്പില് കേരളത്തിലെ ഒമ്പത് മണ്ഡലങ്ങള് ഉള്പ്പെടെ നിരവധി മണ്ഡലങ്ങളില് പാര്ട്ടി മല്സരിച്ചിട്ടുണ്ട്. ഈ ലോക്സഭാ തെരഞ്ഞെടുപ്പില് കേരളത്തില് മല്സരിക്കേണ്ടതില്ലെന്നാണ് പാര്ട്ടി സംസ്ഥാന കമ്മിറ്റിയുടെ തീരുമാനം. വര്ത്തമാന ഇന്ത്യന് സാഹചര്യം വിലയിരുത്തിയാണ് ഇത്തരം തീരുമാനമെടുത്തത്.
ലോക്സഭാ തിരഞ്ഞെടുപ്പ് ഇന്ത്യയുടെ ഭാവി നിര്ണയിക്കുന്ന തെരഞ്ഞെടുപ്പാണെന്നും രാജ്യത്തിന്റെ വീണ്ടെടുപ്പാണ് മുഖ്യ അജണ്ടയെന്നും മൂവാറ്റുപുഴ അഷ്റഫ് മൗലവി പറഞ്ഞു. ഭരണഘടനാനുസൃതമായി രാജ്യം നിലനില്ക്കണോ എന്നു തീരുമാനിക്കപ്പെടുന്ന തെരഞ്ഞെടുപ്പാണിത്. ഭരണഘടനാ മൂല്യങ്ങള് കടുത്ത വെല്ലുവിളി നേരിട്ട ഒരു ഭരണകാലമാണ് ബിജെപിയുടേത്. മതനിരപേക്ഷതയും തുല്യതയും കളങ്കപ്പെടുത്തി മതരാഷ്ട്രത്തിലേക്ക് രാജ്യത്തെ എത്തിക്കുന്നതിനു വേണ്ടിയുള്ള നിയമനിര്മാണങ്ങള്ക്കാണ് ആക്കം കൂട്ടിയത്-അദ്ദേഹം പറഞ്ഞു. ദേശീയ തലത്തില് ബിജെപി വിരുദ്ധ ഇന്ത്യാ മുന്നണിക്ക് നേതൃത്വം നല്കുന്ന പാര്ട്ടിയാണ് കോണ്ഗ്രസ്. ആ നിലയിലാണ് യുഡിഎഫിന് മുന്ഗണന നല്കുവാന് തീരുമാനിച്ചത്. തമിഴ്നാട്, ആന്ധ്രപ്രദേശ്, മഹാരാഷ്ട്ര, പശ്ചിമ ബംഗാള്, ജാര്ഖണ്ഡ്, ഉത്തര്പ്രദേശ്, മധ്യപ്രദേശ് സംസ്ഥാനങ്ങളിലായി പതിനെട്ട് മണ്ഡലങ്ങളിലാണ് എസ്ഡിപിഐ മത്സരിക്കുന്നത്. മറ്റിടങ്ങളില് ബിജെപി വിരുദ്ധ ചേരിയെ സഹായിക്കും. ദീര്ഘകാലാടിസ്ഥാനത്തില് ദേശീയ തലത്തില് സാമൂഹിക നീതിയിലധിഷ്ഠിതമായ രാഷ്ട്രീയ ബദല് വളര്ത്തിക്കൊണ്ടുവരികയെന്നതാണ് പാര്ട്ടി സ്വീകരിക്കുന്ന ഓരോ രാഷ്ട്രീയ നിലപാടിന്റെ ആത്യന്തിക താല്പ്പര്യമെന്നും അദ്ദേഹം കൂട്ടിച്ചേര്ത്തു. വാര്ത്താസമ്മേളനത്തില് സംസ്ഥാന വൈസ് പ്രസിഡന്റ് തുളസീധരന് പള്ളിക്കല്, ജനറല് സെക്രട്ടറി
റോയ് അറയ്ക്കല് എന്നിവരും സംബന്ധിച്ചു.