വേളം: തദ്ദേശ സ്ഥാപനങ്ങളുടെ തനത് ഫണ്ട് ട്രഷറിയിൽ അടക്കണമെന്ന സർക്കാർ ഉത്തരവ് പിൻവലിക്കുക, സർക്കാർ തടഞ്ഞ ബജറ്റ് വിഹിതം അധികവിഹിതമായി അനുവദിക്കുക, മെയിന്റിനൻസ് ഫണ്ട് അനുവദിക്കുക, തൃതല പഞ്ചായത്തുകളുടെ അധികാരങ്ങൾ കവർന്നെടുക്കാനുള്ള നീക്കം ഉപേക്ഷിക്കുക തുടങ്ങിയ ആവശ്യങ്ങൾ ഉന്നയിച്ചു കൊണ്ട്
![](https://i0.wp.com/vatakaravarthakal.in/wp-content/uploads/2024/03/physiotherapy-f.jpeg?resize=600%2C600&ssl=1)
വേളം പഞ്ചായത്തിനു മുമ്പിൽ ജനപ്രതിനിധികൾ ധർണ്ണ നടത്തി. ഗ്രാമ പഞ്ചായത്ത് പ്രസിഡണ്ട് നയീമ കുളമുളളതിൽ അധ്യക്ഷത വഹിച്ചു. ഡി.സി.സി. സെക്രട്ടറി മഠത്തിൽ ശ്രീധരൻ ഉദ്ഘാടനം ചെയ്തു.കെ.സി. ബാബു, അസീസ് കിണറുള്ളതിൽ , ടി.വി കുഞ്ഞിക്കണ്ണൻ, പി.സൂപ്പി, ബാലാമണി തായന, ഇ പി. സലീം, മൊയ്തു മെമ്പർ, അനിഷ പ്രദീപ്,ഫാത്തിമ എന്നിവർ സംസാരിച്ചു.