കോഴിക്കോട്: നോര്ക്ക റൂട്ട്സിന്റെ നേതൃത്വത്തിലുളള നോര്ക്ക ഇന്സ്റ്റിറ്റ്യൂട്ട് ഓഫ് ഫോറിന് ലാംഗ്വേജസ് (എന്.ഐ.എഫ്.എല്) കോഴിക്കോട് സെന്ററിന്റെ ഉദ്ഘാടനം ഇന്ന് (ഫെബ്രുവരി 17 ). രാവിലെ 10.30 നു നടക്കും. കോഴിക്കോട് കോര്പറേഷന് മേയര് ഡോ. ബീനാ ഫിലിപ്പ് ഉദ്ഘാടനം ചെയ്യും. ലാംഗ്വേജ് ലാബിന്റെ ഉദ്ഘാടനവും ശിലാഫലകത്തിന്റെ അനാഛാദനവും നോര്ക്ക റൂട്ട്സ് റസിഡന്റ് വൈസ് ചെയര്മാന് പി.ശ്രീരാമകൃഷ്ണന് നിര്വഹിക്കും. ഉദ്ഘാടനത്തെ തുടര്ന്ന് മീഡിയ ഇന്ററാക്ഷന് നടക്കും. നോര്ക്ക റൂട്ട്സ് സി.ഇ.ഒ ഹരികൃഷ്ണന് നമ്പൂതിരി, സെന്റര് ഫോര് മാനേജ്മെന്റ് ഡവലപ്മെന്റ്, എന്.ഐ.എഫ്.എല് പ്രതിനിധികളും ഉദ്ഘാടന ചടങ്ങില് സംബന്ധിക്കും.
തിരുവനന്തപുരം സെന്ററിനു പുറമേയാണ് കോഴിക്കോട് സെന്റര് യാഥാര്ഥ്യമാകുന്നത്. ഇംഗീഷ് ഭാഷയില് O.E.T-Occupational English Test , I.E.L.T.S-International English Language Testing System, ജര്മന് ഭാഷയില് C.E.F.R (Common European Framework of Reference for Languages) എ 1, എ2, ബി1, ലെവല് വരെയുളള കോഴ്സുകളാണ് ആദ്യഘട്ടത്തില്. കോഴ്സ് വിജയകരമായി പൂര്ത്തിയാകുന്ന നഴ്സിംഗ് പ്രൊഫഷണലുകള്ക്ക് നോര്ക്ക റൂട്ട്സ് വഴി വിദേശത്ത് ജോലി കണ്ടെത്തുന്നതിനും അവസരമുണ്ടാകും.
ഓഫ്ലൈന് കോഴ്സുകളില് ബി.പി.എല്, എസ്. സി, എസ്.ടി വിഭാഗങ്ങളില് ഉള്പ്പെടുന്നവര്ക്ക് പഠനം പൂര്ണമായും സൗജന്യമായിരിക്കും. എ.പി.എല് ജനറല് വിഭാഗങ്ങളില് ഉള്പ്പെട്ടവര്ക്ക് 75 % സര്ക്കാര് സബ്സിഡിയും ലഭിക്കും.
കൂടുതല് വിവരങ്ങള്ക്ക് www.norkaroots.org , www.nifl.norkaroots.org വെബ്ബ്സൈറ്റുകള് സന്ദര്ശിക്കണം. അല്ലെങ്കില്
+91-8714259444 എന്ന വാട്സ്ആപ്പ് നമ്പറിലോ നോര്ക്ക ഗ്ലോബല് കോണ്ടാക്ട് സെന്ററിന്റെ ടോള്ഫ്രീ നമ്പറുകളായ 1800 425 3939 (ഇന്ത്യയില് നിന്നും) +91-8802 012 345 (വിദേശത്തുനിന്നും, മിസ്സ്ഡ് കോള് സര്വ്വീസ്) ബന്ധപ്പെടാവുന്നതാണ്.