തിരുവനന്തപുരം: സംസ്ഥാനത്ത് കാലവര്ഷം സജീവമായിരിക്കെ ഇന്ന് മൂന്ന് ജില്ലകളില് അതിശക്തമായ മഴ മുന്നറിയിപ്പ്. കോഴിക്കോട്, കണ്ണൂര്, കാസര്കോട് ജില്ലകളിലാണ് ഇന്ന് ഓറഞ്ച് അലര്ട്ട് പ്രഖ്യാപിച്ചിരിക്കുന്നത്. ജില്ലകളുടെ പലഭാഗത്തും രാവിലവെ മുതല് കനത്ത മഴയാണ് പെയ്യുന്നത്. ഏഴ് ജില്ലകളില് യെല്ലോ അലര്ട്ടാണ്. പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂര്, മലപ്പുറം, വയനാട് ജില്ലകളിലാണ് യെല്ലോ അലര്ട്ട്. തിരുവനന്തപുരത്തും കൊല്ലത്തും ഗ്രീന് അലര്ട്ട് മാത്രമാണുള്ളത്. ഇവിടെ ലഘുവായതോ ഒറ്റപ്പെട്ടതോ ആയ മഴ ലഭിക്കാം. മറ്റിടങ്ങളില് ഒറ്റപ്പെട്ട ശക്തമായ മഴയാണ്
പ്രതീക്ഷിക്കുന്നത്. നാളെ കണ്ണൂര്, കാസര്കോട് ജില്ലകളില് ഓറഞ്ച് അലര്ട്ടാണ്.
വരുംമണിക്കൂറുകളില് സംസ്ഥാനത്ത് എറണാകുളം, തൃശ്ശൂര്, പാലക്കാട്, മലപ്പുറം ജില്ലകളില് ഒറ്റപ്പെട്ടയിടങ്ങളില് മിതമായ മഴയ്ക്കും; മറ്റു ജില്ലകളിലും ഒറ്റപ്പെട്ടയിടങ്ങളില് നേരിയ മഴയ്ക്കും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. ഇന്ന് പുതുക്കിയ ഉയര്ന്ന തിരമാല ജാഗ്രതാ മുന്നറിയിപ്പ് പ്രകാരം കാസര്കോട്, കണ്ണൂര്, തിരുവനന്തപുരം തീരങ്ങള്ക്ക് പ്രത്യേക ജാഗ്രത നിര്ദേശമുണ്ട്. കാസര്കോട്, കണ്ണൂര്, തിരുവനന്തപുരം ജില്ലകളിലെ തീരങ്ങളില് 25-06-2024 രാത്രി 11.30 വരെ 2.9 മുതല് 3.4 മീറ്റര് വരെ ഉയര്ന്ന തിരമാലയ്ക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം അറിയിച്ചു.
ഈ പ്രദേശങ്ങളിലെ മത്സ്യത്തൊഴിലാളികളും തീരദേശവാസികളും പ്രത്യേക ജാഗ്രത പാലിക്കണം. കടല്ക്ഷോഭം രൂക്ഷമാകാന് സാധ്യതയുള്ളതിനാല് അപകട മേഖലകളില് നിന്ന് അധികൃതരുടെ നിര്ദേശാനുസരണം മാറി താമസിക്കണം. മല്സ്യബന്ധന യാനങ്ങള് (ബോട്ട്, വള്ളം, മുതലായവ) ഹാര്ബറില് സുരക്ഷിതമായി കെട്ടിയിട്ട് സൂക്ഷിക്കുക. വള്ളങ്ങള് തമ്മില് സുരക്ഷിത അകലം പാലിക്കുന്നത് കൂട്ടിയിടിച്ചുള്ള അപകട സാധ്യത ഒഴിവാക്കാം. മല്സ്യബന്ധന ഉപകരണങ്ങളുടെ സുരക്ഷ ഉറപ്പാക്കണം. ബീച്ചിലേക്കുള്ള യാത്രകളും കടലില് ഇറങ്ങിയുള്ള വിനോദങ്ങളും പൂര്ണമായും ഒഴിവാക്കുക.