തിരുവനന്തപുരം: സംസ്ഥാനത്ത് ഇന്നും ചൂട് കൂടാന് സാധ്യതയുണ്ടെന്ന് കാലാവസ്ഥാ കേന്ദ്രത്തിന്റെ വിലയിരുത്തല്. ഒന്പത് ജില്ലകളില് ഇന്ന് യെല്ലോ അലര്ട്ട് പുറപ്പെടുവിച്ചിട്ടുണ്ട്. പാലക്കാട്, കൊല്ലം, ആലപ്പുഴ, കോട്ടയം, കോഴിക്കോട്, തിരുവനന്തപുരം, പത്തനംതിട്ട, എറണാകുളം, തൃശൂര് ജില്ലകളിലാണ് അലര്ട്ട്. ഉച്ചവെയില് നേരിട്ട് ഏല്ക്കാതിരിക്കാന് ശ്രദ്ധിക്കണം.
മാര്ച്ച് 19 വരെ പാലക്കാട്, കൊല്ലം ജില്ലകളില് ഉയര്ന്ന താപനില 38°C വരെയും ആലപ്പുഴ, കോട്ടയം, കോഴിക്കോട് എന്നീ ജില്ലകളില് ഉയര്ന്ന താപനില 37°C വരെയും തിരുവനന്തപുരം, പത്തനംതിട്ട, എറണാകുളം, തൃശ്ശൂര് എന്നീ ജില്ലകളില് ഉയര്ന്ന താപനില 36°C വരെയും ഉയരാന് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിക്കുന്നു.