ആലപ്പുഴ: ആലപ്പുഴ പക്ഷിപ്പനി ഭീതിയില്. പക്ഷിപ്പനി സ്ഥിരീകരിച്ച കുട്ടനാട്ടില് എടത്വ, ചെറുതന, ചാമ്പക്കുളം പഞ്ചായത്തുകളില് താറാവ് വില്പനക്ക് നിയന്ത്രണം ഏര്പ്പെടുത്തി. ജില്ലാ കളക്ടരുടെ അധ്യക്ഷതയില് ചേര്ന്ന വകുപ്പ് തല ഉദ്യോഗസ്ഥരുടെയും പഞ്ചായത്ത് പ്രതിനിധികളുടെയും യോഗത്തിലാണ് തീരുമാനം.
രോഗ വ്യാപനം തടയുന്നതിന്റെ ഭാഗമായി ഈ പഞ്ചായത്തുകളിലെ മുഴുവന് താറാവുകളെയും ഉടന് കൊന്നൊടുക്കും. ഇതിനായുള്ള നടപടിക്രമങ്ങള് ആരംഭിച്ചു. ഒരാഴ്ചയായി കുട്ടനാട്ടിലെ എടത്വ, ചെറുതന, ചാമ്പക്കുളം പഞ്ചായത്തുകളില് താറാവുകള് കൂട്ടത്തോടെ ചത്തിരുന്നു. തുടര്ന്ന് സാമ്പിളുകള് ഭോപ്പാലിലെ ലാബിലേക്ക് അയച്ചു. ഈ പരിശോധനയിലാണ് അയച്ച മൂന്ന് സാമ്പിളുകളും പോസിറ്റീവ് ആണെന്ന് കണ്ടെത്തിയത്.
പക്ഷികളെ കൂടുതലായി ബാധിക്കുന്ന വൈറസാണ് എച്ച്5എന്1. ഇത് മനുഷ്യരിലും ബാധിക്കാം. രോഗം ബാധിച്ച പക്ഷികളുമായോ അവയുടെ കാഷ്ഠവുമായോ മലിനമായ പ്രതലങ്ങളുമായോ നേരിട്ടുള്ള സമ്പര്ക്കം വൈറസ് പടരുന്നതിനുള്ള വഴികളാണ്. അണുബാധ ഇതുവരെ മനുഷ്യരില് എളുപ്പത്തില് പകരാന് സാധിച്ചിട്ടില്ലെങ്കിലും അത് സംഭവിക്കുമ്പോള് മരണനിരക്ക് 60 ശതമാനം
![](https://i0.wp.com/vatakaravarthakal.in/wp-content/uploads/2024/04/vadakara-grand-carnival-ss.jpg?resize=700%2C263&ssl=1)
വരെ ഉയര്ന്നേക്കാം.