കീഴടങ്ങി ഹൈക്കമാൻഡ്; കണ്ണൂരിൽ കെ.സുധാകരൻ തന്നെ

ക​ണ്ണൂ​ർ: നിയമസഭാ തെരഞ്ഞെടുപ്പിൽ സീറ്റ് നിഷേധിച്ചതിനു പിന്നാലെ കെ. സുധാകരൻ പാർട്ടി വിടുമെന്ന അഭ്യൂഹങ്ങൾക്ക് വിരാമം. കണ്ണൂരിൽ സുധാകരന് സീറ്റ് നല്കുമെന്നാണ് സൂചന. മുതിർന്ന നേതാവ് എ.കെ. ആന്‍റണിയുടെ ഇടപെടലിനെ തുടർന്നാണ് ഹൈക്കമാൻഡ് വഴങ്ങിയതെന്നാണ് റിപ്പോർട്ടുകൾ. പാര്‍ട്ടിയോട് ഇടഞ്ഞ സുധാകരന് കണ്ണൂര്‍ സീറ്റ് നല്‍കി പ്രശ്‌നം പരിഹരിക്കാനാണ് ഹൈക്കമാന്‍ഡിന്റെ തീരുമാനം. അവസാന ഘട്ടത്തിലും അനുനയത്തിന് വഴങ്ങാതെ മുന്നോട്ട് പോയ സുധാകരനെ എകെ ആന്റണി വിളിച്ച് സംസാരിക്കുകയായിരുന്നു. നിലവില്‍ സ്ഥാനാര്‍ഥിയായി പ്രഖ്യാപിച്ച ടി.ഒ.മോഹനനെ മാറ്റിയായിരിക്കും സുധാകരന്റെ സ്ഥാനാഥിത്വം പ്രഖ്യാപിക്കുക. പുതിയ പാര്‍ട്ടി രൂപീകരിച്ച് മത്സരരംഗത്ത് എത്തുമെന്ന സുധാകരന്റെ വെല്ലുവിളി അക്ഷരാര്‍ഥത്തില്‍ കോണ്‍ഗ്രസിനെ ഞെട്ടിച്ചു. ഇതോടെയാണ് എ.കെ.ആന്റണി കളത്തിലിറങ്ങിയത്.

ത​നി​ക്കും താ​ൻ നി​ർ​ദേ​ശി​ക്കു​ന്നു ആ​ളു​ക​ൾ​ക്കും സീ​റ്റ് ന​ല്കാ​ത്ത​തി​ൽ ക​ടു​ത്ത അ​മർഷത്തിലായിരുന്നു ​സു​ധാ​ക​ര​ൻ. എം​പി​മാ​ർ മ​ത്സ​രി​ക്കേ​ണ്ട​ന്ന ഹൈ​ക്ക​മാ​ൻ​ഡി​ന്‍റെ ക​ർ​ശ​ന തീ​രു​മാ​ന​ത്തി​ലാ​ണ് കെ. ​സു​ധാ​ക​ര​ന് സീ​റ്റ് ന​ല്കേ​ണ്ട​ന്ന് നേരത്തെ തീ​രു​മാ​നി​ച്ചിരുന്ന​ത്. കെ. ​സു​ധാ​ക​ര​ന് സീ​റ്റ് കൊ​ടു​ത്താ​ൽ മ​റ്റ് എം​പി​മാ​ർ​ക്കും സീ​റ്റ് കൊ​ടു​ക്കേ​ണ്ടി വ​രു​മെ​ന്ന് സം​സ്ഥാ​ന നേ​തൃ​ത്വം അ​റി​യി​ച്ച​തോ​ടെ സു​ധാ​ക​ര​ന് സീ​റ്റ് കൊ​ടു​ക്കേ​ണ്ട​തി​ല്ലെ​ന്ന് തീ​രു​മാ​നി​ക്കു​ക​യാ​യി​രു​ന്നു.

ആ​ദ്യ​ഘ​ട്ടം ഡ​ൽ​ഹി​യി​ൽ ന​ട​ന്ന ച​ർ​ച്ച​യി​ൽ എം​പി​മാ​ർ മ​ത്സ​രി​ക്കേ​ണ്ട​ന്ന ദേ​ശീ​യ നേ​തൃ​ത്വ​ത്തി​ന്‍റെ തീ​രു​മാ​ന​ത്തി​ൽ‌ പ്ര​തി​ഷേ​ധി​ച്ച് സു​ധാ​ക​ര​ൻ ക​ണ്ണൂ​രി​ലേ​ക്ക് മ​ട​ങ്ങി​യി​രു​ന്നു. തു​ട​ർ​ന്ന്, ക​ണ്ണൂ​ർ ന​ടാ​ലി​ലെ വീ​ട്ടി​ലെ​ത്തി വൈ​കാ​രി​ക​മാ​യി ഫേസ്ബു​ക്കി​ലൂ​ടെ പ്ര​തി​ക​രി​ച്ചു. സു​ധാ​ക​ര​ന്‍റെ വൈ​കാ​രി​ക പ്ര​തി​ക​ര​ണ​ത്തി​ൽ ക​ണ്ണൂ​രി​ലെ കോ​ൺ​ഗ്ര​സ് പ്ര​വ​ർ​ത്ത​ക​രും നേ​താ​ക്ക​ളും വീ​ട്ടി​ലേ​ക്ക് എ​ത്തി​ച്ചേ​ർ​ന്നി​രു​ന്നു. ത​നി​ക്ക് സീ​റ്റി​ല്ലെ​ങ്കി​ൽ താ​ൻ നി​ർ​ദേ​ശി​ക്കു​ന്ന ആ​ളു​ക​ൾ​ക്ക് സീ​റ്റ് ന​ല്ക​ണ​മെ​ന്നാ​യി​രു​ന്നു സു​ധാ​ക​ര​ന്‍റെ പ്ര​ധാ​ന നി​ർ​ദേ​ശം. ഇ​തി​നെ​ക്കു​റി​ച്ച് ച​ർ​ച്ച ചെ​യ്യാ​നാ​ണ് വീ​ണ്ടും ഡ​ൽ​ഹി​ക്ക് പോ​യ​ത്. എ​ന്നാ​ൽ, പാർട്ടി നേതൃത്വം വഴങ്ങാതെ വന്നതോടെയാണ് സു​ധാ​ക​രൻ കടുത്ത തീരുമാനത്തിലേക്ക് നീങ്ങുമെന്ന് സൂചനകൾ വന്നത്. ഇന്ന് പന്ത്രണ്ടിന് മാധ്യമങ്ങളെ കാണുമെന്നും അറിയിച്ചിരുന്നു.

കോ​ൺ​ഗ്ര​സ് പ്ര​വ​ർ​ത്ത​ക​ർ​ക്കി​ട​യി​ൽ ഏ​റെ സ്വാ​ധീ​ന​മു​ള്ള നേ​താ​വാ​ണ് കെ. ​സു​ധാ​ക​ര​ൻ. അ​തി​നാ​ൽ, സു​ധാ​ക​ര​​ൻ ഇടഞ്ഞാൽ കോൺഗ്രസിൽ പ്രത്യാഘാതങ്ങൾ സൃഷ്ടിക്കുമെന്ന് ഉറപ്പാണ്. സു​ധാ​ക​ര​നെ മ​ത്സ​രി​പ്പി​ക്ക​ണ​മെ​ന്നാ​വ​ശ്യ​പ്പെ​ട്ട് ക​ണ്ണൂ​ർ ഡി​സി​സി ഓ​ഫീ​സി​ന് മു​ന്നി​ലും ന​ഗ​ര​ത്തി​ലും വ്യാ​പ​ക​മാ​യി ഫ്ല​ക്സ് ബോ​ർ​ഡു​ക​ൾ ഉ​യ​ർ​ന്നി​രു​ന്നു.  ക​ഴി​ഞ്ഞ ദി​വ​സം സു​ധാ​ക​ര​ൻ അ​നു​കലി​ക​ളു​ടെ പ​ന്തം​കൊ​ളു​ത്തി പ്ര​ക​ട​ന​വും ന​ട​ന്നു.