കണ്ണൂര്: കണ്ണൂര് റെയില്വേ സ്റ്റേഷനില് മന്ത്രി വീണാ ജോര്ജിനെ വധിക്കാന് ശ്രമിച്ചെന്ന കേസില് ജാമ്യം ലഭിച്ച കെ എസ് യു പ്രവര്ത്തകര് ജയില് മോചിതരായി. ഇവര്ക്ക് ജയിലിനുപുറത്ത് കെ.എസ്.യു നേതൃത്വത്തില് വന് സ്വീകരണം നല്കി. ഇന്നലെ 
തലശ്ശേരി പ്രിന്സിപ്പല് സെഷന്സ് കോടതി ജാമ്യം അനുവദിച്ചെങ്കിലും ഇന്ന് ഉച്ചകഴിഞ്ഞാണ് ഉത്തരവ് ജയില് അധികൃതര്ക്ക് കൈമാറി പ്രവര്ത്തകരെ പുറത്തിറക്കാനായത്. മന്ത്രിക്കെതിരായ പ്രതിഷേധത്തില് ആയുധം ഉപയോഗിച്ചതിന് തെളിവില്ല എന്ന് ചൂണ്ടിക്കാട്ടിയാണ് കോടതി ഈ അഞ്ച് കെ എസ് യു പ്രവര്ത്തകര്ക്കും ജാമ്യം അനുവദിച്ചത്. വധശ്രമം അടക്കം ഒമ്പത് വകുപ്പുകള് ചുമത്തിയ കേസില് നിര്ണായക തെളിവുകള് ഒന്നും കണ്ടെത്താന് പോലീസിന് സാധിച്ചിരുന്നില്ല. മന്ത്രിയെ ആയുധം ഉപയോഗിച്ച് ആക്രമിച്ചിട്ടില്ലെ
ന്ന് സംഭവസമയത്ത് ഡ്യൂട്ടിയിലുണ്ടായിരുന്ന പോലീസുകാരും മൊഴി നല്കിയിരുന്നു. കെഎസ്യു കണ്ണൂര് ജില്ലാ പ്രസിഡന്റ് എം.സി.അതുല്, അക്ഷയ് മാട്ടൂല്, കോഴിക്കോട് ജില്ലാ സെക്രട്ടറി ബിതുല് ബാലന്, സി.എച്ച്.മുബാസ്, അഹമ്മദ് യാസീന് എന്നിവര്ക്കാണ് കോടതി ജാമ്യം നല്കിയത്. ബിതുല് ബാലന് വടകര റെയില്വെ സ്റ്റേഷനില് കെ.എസ്.യു-യൂത്ത് കോണ്ഗ്രസ് പ്രവര്ത്തകര് സ്വീകരണം നല്കി.
