തിരുവനന്തപുരം: മഴക്കെടുതിയില് സംസ്ഥാനത്ത് ആകെ 42 ദുരിതാശ്വാസ ക്യാമ്പുകള് തുറന്നു. 710 കുടുംബങ്ങളില് നിന്നായി 2192 പേരെ മാറ്റി പാര്പ്പിച്ചെന്ന് റവന്യൂവകുപ്പ്. അതേസമയം എല്ലാ ജില്ലകളിലും താലൂക്ക് കണ്ട്രോള് റൂമുകള് സജ്ജമാണ്. തിരുവനന്തപുരം, കൊല്ലം, ആലപ്പുഴ, കോട്ടയം, എറണാകുളം ജില്ലകളിലാണ് ദുരിതാശ്വാസ ക്യാമ്പുകള് തുറന്നത്. കൊല്ലം ജില്ലയിലാണ് കൂടുതല് ക്യാമ്പുകള് തുറന്നത്. ഇവിടെ ആകെ 13
![](https://i0.wp.com/vatakaravarthakal.in/wp-content/uploads/2024/05/autonic-institute.jpeg?resize=594%2C600&ssl=1)
ക്യാമ്പുകള് തുറന്നു. കോട്ടയത്ത് പതിനൊന്നും, തിരുവനന്തപുരത്തും, ആലപ്പുഴയിലും എട്ടുവീതം ക്യമ്പുകളും തുറന്നിട്ടുണ്ട്. സംസ്ഥാനത്ത് മഴക്കെടുതിയില് വിവിധ അപകടങ്ങളിലായി 26 പേര് മരിച്ചൂവെന്നാണ് അവസാന കണക്ക്. അതേസമയം എല്ലാ![](https://i0.wp.com/vatakaravarthakal.in/wp-content/uploads/2024/05/unani-golbal-g.jpeg?resize=600%2C600&ssl=1)
![](https://i0.wp.com/vatakaravarthakal.in/wp-content/uploads/2024/05/unani-golbal-g.jpeg?resize=600%2C600&ssl=1)
ജില്ലകളിലും താലൂക്ക് കണ്ട്രോള് റൂമുകള് സജ്ജമാണെന്നും റവന്യൂ വകുപ്പ് അറിയിച്ചു.
അതേസമയം മഴക്കെടുതിയെ തുടർന്ന് തിരുവനന്തപുരം ജില്ലയിൽ നിലവിൽ ഏട്ട് ദുരിതാശ്വാസ ക്യാമ്പുകളിലായി 17 കുടുംബങ്ങളിലെ 66 പേരാണുള്ളത്. തിരുവനന്തപുരം, വർക്കല, കാട്ടാക്കട താലൂക്കുകളിൽ രണ്ട് ക്യാമ്പുകൾ വീതവും നെയ്യാറ്റിൻകര, നെടുമങ്ങാട് താലൂക്കുകളിൽ ഓരോ ക്യാമ്പുകൾ വീതവും പ്രവർത്തിക്കുന്നു. തിരുവനന്തപുരം താലൂക്കിൽ ജി.എച്ച്.എസ്. കാലടി, നെടുമങ്ങാട് താലൂക്കിൽ തേമ്പാമൂട് അങ്കണവാടി, വർക്കല താലൂക്കിൽ മുട്ടള ജി.എൽ.പി.എസ്, കുളമുട്ടം ജി.എൽ.പി.എസ്, കാട്ടാക്കട താലൂക്കിൽ കാപ്പിക്കോട് പ്രാഥമിക ആരോഗ്യ കേന്ദ്രം, ഉഴമലയ്ക്കൽ പഞ്ചായത്ത് ബഡ്സ് സ്കൂൾ എന്നിവിടങ്ങളിലാണ് പുതിയ ക്യാമ്പുകൾ തുറന്നത്.