വടകര: ഇടതു മുന്നണി സ്ഥാനാര്ഥി കെ.കെ.ശൈലജയുടെ വിജയം സുനിശ്ചിതമാക്കാന് വടകരയില് വനിതകള് പടയണി ചേര്ന്നു. തിങ്കളാഴ്ച സന്ധ്യയോടെ നടന്ന സ്ത്രീകളുടെ മഹാറാലി നഗരത്തെ പ്രകമ്പനം കൊള്ളിച്ചു. പഴയ സ്റ്റാന്റ് പരിസരത്ത് നിന്ന് ആരംഭിച്ച റാലിയില് ആയിരക്കണക്കിനു സ്ത്രീകള് അണിചേര്ന്നു. കരുതലിന്റെ സ്നേഹ സ്പര്ശം,
![](https://i0.wp.com/vatakaravarthakal.in/wp-content/uploads/2024/03/concrete-cutting.jpg?resize=394%2C600&ssl=1)
ആരോഗ്യമേഖലയില് കേരള മോഡലിന് കരുത്ത് പകര്ന്ന ഭരണാധികാരി, നിപയിലും കോവിഡിലും ഒരു ജനതയെ ചേര്ത്തു പിടിച്ച ജനകീയ നേതാവ് എന്നീ വിശേഷണങ്ങളുള്ള കെ.കെ.ശൈലജക്ക് വോട്ട് അഭ്യര്ഥിച്ച് വനിതകള് ചിട്ടയായി നീങ്ങി. തെരഞ്ഞെടുപ്പ് ചിഹ്നം
![](https://i0.wp.com/vatakaravarthakal.in/wp-content/uploads/2024/04/dd-2.jpg?resize=600%2C400&ssl=1)
അടങ്ങിയ ടീ ഷര്ട്ട് ധരിച്ചാണ് വനിതകള് എത്തിയത്. ശൈലജയുടെ കൂറ്റന് ചിത്രവുമായി നീങ്ങിയ പ്രവര്ത്തകര് നഗരത്തില് ആവേശം തീര്ത്തു. എല്ഡിഡബ്ല്യുഎഫ് വടകര പാര്ലമെന്റ് മണ്ഡലം കമ്മിറ്റി നേതൃത്വത്തില് നടന്ന റാലി വടകരയിലെ വനിതകള്
![](https://i0.wp.com/vatakaravarthakal.in/wp-content/uploads/2024/03/thripthi-padakkam.jpg?resize=420%2C600&ssl=1)
ടീച്ചര്ക്കൊപ്പമാണെന്ന് പ്രഖ്യാപിച്ച് മുന്നേറി. നാരായണ നഗരം സ്റ്റേഡിയത്തില് നടന്ന പൊതുയോഗം സിപിഎം പോളിറ്റ് ബ്യൂറോ അംഗം ബൃന്ദ കാരാട്ട് ഉദ്ഘാടനം ചെയ്തു. ഒ പി ഷീജ അധ്യക്ഷയായി. സ്ഥാനാര്ഥി കെ കെ ശൈലജ, ജനാധിപത്യ മഹിളാ അസോസിയേഷന് അഖിലേന്ത്യാ പ്രസിഡന്റ് പി കെ ശ്രീമതി, കെ കെ ലതിക, കാനത്തില് ജമീല എംഎല്എ, ഇ എസ് ബിജിമോള്,, അജിത കുന്നത്ത്, അഡ്വ. ബിനിഷ, ഖദീജ തുടങിയവര് സംസാരിച്ചു. കെ.പുഷ്പജ സ്വാഗതം പറഞ്ഞു. കലാമണ്ഡലം ഐശ്വര്യയുടെ
‘നിറയെ ചുവന്ന പൂക്കള്’ എന്ന നൃത്ത കലാരൂപം അരങ്ങേറി.
![](https://i0.wp.com/vatakaravarthakal.in/wp-content/uploads/2024/03/gasco-latest.jpeg?resize=700%2C466&ssl=1)