ആയഞ്ചേരി: ചീക്കിലോട് യു പി സ്കൂളിലെ കെ പി അനിതയുടെ യാത്രയയപ്പ് സമ്മേളനവും പ്രതിഭാ സംഗമവും കുറ്റ്യാടി നിയോജക മണ്ഡലം എം എൽ എ കെ.പി കുഞ്ഞമ്മത് കുട്ടി നിർവ്വഹിച്ചു. പൊതു വിദ്യാലയങ്ങൾ സംരക്ഷിക്കുന്നതിൽ സമൂഹത്തിൻ്റെ ഉത്തരവാദിത്തത്തെ കുറിച്ച് ഉദ്ഘാടന പ്രസംഗത്തിൽ അദ്ദേഹം ഓർമ്മപ്പെടുത്തി. ആയഞ്ചേരി ഗ്രാമപഞ്ചായത്ത് പ്രസിഡണ്ട് നെല്യാട്ടുമ്മൽ ഹമീദ് ചടങ്ങിൽ അധ്യക്ഷത വഹിച്ചു. പി ടി എ പ്രസിഡണ്ട് രാജൻ പുതുശ്ശേരി സ്വാഗതവും ഹെഡ്മാസ്റ്റർ സി എച്ച് മൊയ്തു, എം റഷീദ് എന്നിവർ ഉപഹാര സമർപ്പണവും നടത്തി. തുടർന്ന് വിവിധ സ്കോളർഷിപ്പ്
![](https://i0.wp.com/vatakaravarthakal.in/wp-content/uploads/2024/02/unicure-bbw.jpg?resize=480%2C600&ssl=1)
ജേതാക്കളായ പ്രതിഭകളെ മാനേജ്മെൻറ് പ്രതിനിധി ടി വി അമ്മദ് ഹാജി അനുമോദിച്ചു.
ചടങ്ങിൽ ടി വി കുഞ്ഞിരാമൻ, നിഷാന്ത് പി എം (ബിപിസി തോടന്നൂർ), സോമൻ കരുവാണ്ടിയിൽ, കിളിയമ്മൽ കുഞ്ഞബ്ദുല്ല, എൻ കെ നാണു, ഹരിദാസൻ എ പി, കെ കെ നാരായണൻ, ഇബ്രാഹിം എം, മുത്തു തങ്ങൾ, സദാനന്ദൻ, എൻ കെ സുരേഷ്, സെയ്ത് അൻവർ എൻ, വിജിത, ദീപ, അബ്ദുൾ റഷീദ് അരയാക്കീൻ്റവിട, ഷിനൂപ് രാജ്, സഹലത്ത് പി ടി , ജെസീന, സാജിത വി സി കെ, ഷബ്ന പി പി ,മുഹമ്മദ് റഫാൻ , ഫാത്തിമ ടി എം , എന്നിവർ ആശംസകൾ അർപ്പിച്ച് സംസാരിച്ചു. കെ പി അനിത മറുപടി പ്രസംഗവും ഇ ലീന നന്ദിയും പറഞ്ഞു.