മലപ്പുറം: കുറ്റിപ്പുറത്ത് സ്വകാര്യ ബസ് തലകീഴായി മറിഞ്ഞ് ഒരാള് മരിച്ചു. ഇരുപതോളം പേര്ക്ക് പരിക്കേറ്റു. ഇതില് മൂന്നു പേരുടെ നില ഗുരുതരം. കോഴിക്കോട് പന്തീരാങ്കാവ് 
പെരുവയല് സ്വദേശി വൈഷ്ണവാണ് മരിച്ചത്.
കുറ്റിപ്പുറം റെയില്വേ മേല്പ്പാലത്തിന് സമീപത്തെ ആറുവരി പാതയിലാണ് അപകടം. നിയന്ത്രണം വിട്ട ലിമിറ്റഡ് സ്റ്റോപ്പ് ബസ് ഡിവൈഡറില് ഇടിച്ച് തല കീഴായി മറിയുകയായിരുന്നു. കാറിനു മുകളിലേക്കാണ് ബസ് മറിഞ്ഞത്. ബസിന്റെ നടുഭാഗം 
രണ്ടായി പിളര്ന്നു. കോഴിക്കോട്-തൃശൂര് റൂട്ടിലോടുന്ന ‘ഡിഫന്ഡര്’ എന്ന ലിമിറ്റഡ് സ്റ്റോപ്പ് ബസാണ് അപകടത്തില്പ്പെട്ടത്.
പോലീസും ഫയര്ഫോഴ്സും നാട്ടുകാരും ചേര്ന്ന് രക്ഷാപ്രവര്ത്തനം നടത്തി. ബസ് വെട്ടിപ്പൊളിച്ചാണ് പലരെയും പുറത്തെടുത്തത്. പരിക്കേറ്റവരെ വളാഞ്ചേരി, കോട്ടക്കല് എന്നിവിടങ്ങളിലെ സ്വകാര്യ ആശുപത്രികളില് പ്രവേശിപ്പിച്ചു.
