ആയഞ്ചേരിയില്‍ തീപിടിത്തം പരിഭ്രാന്തി പരത്തി

ആയഞ്ചേരി: ആയഞ്ചേരി ടൗണിനടുത്ത പറമ്പിലുണ്ടായ തീപിടിത്തം പരിഭ്രാന്തി പരത്തി. ഇന്ന് ഉച്ചക്ക് ഒന്നേ കാലോടെയാണ് പറമ്പില്‍ നിന്ന് പുക ഉയരുന്നത് ശ്രദ്ധയില്‍ പെട്ടത്. വിവരമറിഞ്ഞ് നാദാപുരം ഫയര്‍ ഫോഴ്‌സ് സ്ഥലത്തെത്തി തീ നിയന്ത്രണ വിധേയമാക്കുകയായിരുന്നു. നാട്ടുകാരും തീ അണക്കാന്‍ സഹായത്തിനെത്തി. പറമ്പിലെ ഉണങ്ങിയ പുല്ലിനും കുറ്റിക്കാടിനുമാണ് തീപിടിച്ചത്. കഠിനമായ ചൂടിനും ശക്തമായ വെയിലിനുമിടയില്‍ തീ പെട്ടെന്ന് വ്യാപിക്കുയായിരുന്നു. വെയിലില്‍ പച്ചപ്പുകള്‍ കരിഞ്ഞുണങ്ങിയതിനാല്‍ സിഗരറ്റ് കുറ്റികളും മറ്റും അലസമായി വലിച്ചെറിയരുതെന്നും ഇത് തീ പിടിത്തത്തിനുള്ള സാധ്യത വര്‍ധിപ്പിക്കുകയാണെന്നും ചൂണ്ടിക്കാണിക്കപ്പെടുന്നു