തിരുവനന്തപുരം: സംസ്ഥാനത്ത് ഇന്ന് നാലു വടക്കന് ജില്ലകളില് ശക്തമായ മഴക്ക് 
സാധ്യതയെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. കാസര്കോട്, കണ്ണൂര്, കോഴിക്കോട്, മലപ്പുറം ജില്ലകളിലാണ് മുന്നറിയിപ്പുള്ളത്. ഇവിടങ്ങളില് യെല്ലോ അലര്ട്ട് പുറപ്പെടുവിച്ചു. 24 മണിക്കൂറില് 64.5 മില്ലിമീറ്ററില് മുതല് 115.5 മില്ലിമീറ്റര് വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് കേന്ദ്ര കാലാവസ്ഥ വകുപ്പ് അര്ഥമാക്കുന്നത്.
അടുത്ത മണിക്കൂറുകളില് എല്ലാ ജില്ലകളിലും ഒറ്റപ്പെട്ടയിടങ്ങളില് ഇടത്തരം മഴയ്ക്കും 
മണിക്കൂറില് 40 കിലോമീറ്റര് വരെ വേഗതയില് ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
ബംഗാള് ഉള്ക്കടലിന്റെ തെക്കുപടിഞ്ഞാറന് ഭാഗം മുതല് വടക്കന് ലക്ഷദ്വീപ്, വടക്കന് തമിഴ്നാട്, തെക്കന് ഉള്നാടന് കര്ണാടക, വടക്കന് കേരളം വരെ സമുദ്രനിരപ്പില് നിന്ന് 7.6 കിലോമീറ്റര് ഉയരത്തില് ന്യൂനമര്ദപാത്തി സ്ഥിതിചെയ്യുന്നു. തല്ഫലമായി കേരളത്തില് 21 വരെയുള്ള ദിവസങ്ങളില് മഴയ്ക്ക് സാധ്യതയുണ്ടെന്നാണ് മുന്നറിയിപ്പ്.
