ചെറുവണ്ണൂർ: ഗ്രാമീണ മൾട്ടിസ്റ്റെയിറ്റ് അഗ്രോ കോ ഓപ്പറേറ്റിവ് സൊസൈറ്റിയുടെ ചെറുവണ്ണൂർ ബ്രാഞ്ച് ഉദ്ഘാടനം ഗ്രാമപഞ്ചായത്ത് പ്രസിഡന്റ് എൻ. ടി ഷിജിത്ത് നിർവഹിച്ചു. ചെയർമാൻ ഇ. എം രാജൻ അധ്യക്ഷത വഹിച്ചു. ഗായകൻ അജയ് ഗോപാൽ മുഖ്യ അതിഥി ആയിരുന്നു. ജില്ലാപഞ്ചായത്ത് മെമ്പർ സി. എം ബാബു, ഗ്രാമപഞ്ചായത്ത്
അംഗങ്ങളായ പി. മോനിഷ, ഏ. കെ ഉമ്മർ, ആർ. പി ഷോബിഷ്, എ ബാലകൃഷ്ണൻ, ഇ. കെ സുബൈദ, പി മുംതാസ്, ഷൈജ ഇ. ടി, എം. എം രഘുനാഥ്, രാഷ്ട്രീയ പാർട്ടി പ്രതിനിധികളായ പിലാക്കാട്ട് ശങ്കരൻ, നൗഫല്‍, ശശി പൈതോത്ത്, കെ. ടി വിനോദൻ, വി. കെ മൊയ്തു, ടി. എം ബാലൻ എന്നിവർ സംസാരിച്ചു. പഞ്ചായത്തിലെ 30 കർഷകരെ ചടങ്ങിൽ ആദരിച്ചു. കർഷകർക്ക് വേണ്ടി നടത്തിയ ബോധവൽക്കരണ പരിപാടിയിൽ മേപ്പയൂർ പോലീസ് സ്റ്റേഷനിലെ ബിജി സജീവൻ ക്ലാസ്സെടുത്തു. വൈസ് ചെയർമാൻ ഭാസ്കരൻ മലയിൽ സ്വാഗതവും വി ദാമോദരൻ നന്ദിയും പറഞ്ഞു.
