ഗ്രാമശ്രീയും തണലും കൈകോര്‍ത്തു; മെഡിക്കല്‍ ക്യാമ്പ് നടത്തി

വടകര: ചോറോട് ഈസ്റ്റ് ഗ്രാമശ്രീ അയല്‍പക്ക സൗഹൃദ വേദിയും വടകര തണല്‍ ഡയാലിസിസ് സെന്ററും സംയുക്തമായി ജീവിത ശൈലി രോഗ പ്രതിരോധ ക്യാമ്പ് സംഘടിപ്പിച്ചു. ഡോ. മുഹമ്മദ് അഫ്രോസ് ഉദ്ഘാടനം ചെയ്തു. ഗ്രാമശ്രീ പ്രസിഡന്റ് ടി.കെ.മോഹനന്‍ അധ്യക്ഷത വഹിച്ചു. പി.പി.സുരേന്ദ്രന്‍, തണല്‍ പ്രതിനിധികളായ മുഹമ്മദ് ശാക്കിര്‍, ശാമില്‍, രശ്മി എന്നിവര്‍ സംസാരിച്ചു. സെക്രട്ടറി പ്രസാദ് വിലങ്ങില്‍ സ്വാഗതവും വൈസ് പ്രസിഡന്റ് മഹേഷ് കുമാര്‍.പി.കെ നന്ദിയും പറഞ്ഞു. നിരവധി പേര്‍ ക്യാമ്പില്‍ പങ്കെടുത്തു.